2018 උ/පෙළ සඳහා අයදුම් කිරීමට දී තිබූ කාලය අදින් අවසන්

Colombo (Newsfirst) 2018 අධ්‍යයන පොදු සහතික පත්‍ර උසස් පෙළ විභාගයට අයදුම්පත් ඉදිරිපත් කිරීමට දී තිබූ කාලය අදින් අවසන් වේ. විභාග දෙපාර්තමේන්තුව සඳහන් කළේ, පාසල් අයදුම්කරුවන් විදුහල්පතිවරයා මාර්ගයෙන් ද පෞද්ගලික අයදුම්කරුවන් පෞද්ගලිකව ද අයදුම්පත් තැපෑලෙන් යොමු කළ යුතු බව ය. අද දිනය තුළ තැපෑලට යොමු කරන අයදුම්පත් භාර ගන්නා බව ද විභාග කොමසාරිස් ජනරාල් සනත් බී. පූජිත මහතා ප්‍රකාශ කළේ ය.