ඩෙංගු අභියෝගය ජය ගැනීමට ඔස්ට්‍රේලියාවේ සහය

ඩෙංගු අභියෝගය ජය ගැනීමට ඔස්ට්‍රේලියාවේ සහය

ඩෙංගු අභියෝගය ජය ගැනීමට ඔස්ට්‍රේලියාවේ සහය

කර්තෘ Sagarika Chathumali

20 Jul, 2017 | 6:11 pm

සංචාරයක් සඳහා දිවයිනට පැමිණි ඔස්ට්‍රේලියා විදේශ අමාත්‍ය ජුලි බිෂොප් මහත්මිය අද පෙරවරුවේ ජනාධිපති මෛත්‍රිපාල සිරිසේන මහතා හමුවිය.

 

ඩෙංගු අභියෝගය ජය ගැනීමට ශ්‍රී ලංකා රජය ගෙන යන වැඩපිළිවෙළට ඔස්ට්‍රේලියාවේ උපරිම සහය ලබාදෙන බව ඔස්ට්‍රේලියා විදේශ අමාත්‍ය ජුලි බිෂොප් මහත්මිය මෙම හමුවේදී පවසා තිබේ.

ඇය දැනුම් දී ඇත්තේ ඩෙංගු මර්දන වැඩසටහන් සඳහා ලෝක සෞඛ්‍ය සංවිධානය හරහා රුපියල් මිලියන 58 ක මුල්‍ය පරිත්‍යාගයක් සිදු කිරීමට තම රජය කටයුතු කරන බවයි.

ඔස්ට්‍රේලියානු විදේශ කටයුතු අමාත්‍ය ජුලී බිෂෝප් මහත්මිය අද අරලියගහ මන්දිරයේදී අග්‍රාමාත්‍ය රනිල් වික්‍රමසිංහ මහතා ද හමුවිය.

ඇය විපක්ෂ නායක ආර්. සම්බන්ධන් මහතා හමුවුණේ, ඉන් අනතුරුවයි.

ඔස්ට්‍රේලියානු විදේශ අමාත්‍යවරිය ඊයේ පස්වරුවේ විදේශ කටයුතු අමාත්‍ය රවී කරුණානායක මහතා ද හමුවිය.

ජුලි බිෂොප් මහත්මිය මේ සංචාරයේදී ඩෙංගු පාලනය කිරීම සඳහා මොනෑෂ් විශ්වවිද්‍යාලයේ සහය ලබාදීමට එකඟතාව පළ කර තිබේ.

ඩෙංගු රෝගයට ගොදුරු වන ප්‍රමාණය අවම කිරීම සඳහා වොල්බෑකියා බැක්ටීරියාව යොදා ගැනීමේ පුරෝගාමී වැඩසටහන ක්‍රියාවට නගන්නේ මොනෑෂ් විශ්වවිද්‍යාලයයි.