යෝෂිත රාජපක්ෂ මහතාට ලබන 31 වන දින සිට මාස දෙකක කාලයක් ජපානයට සහ ඔස්ට්‍රේලියාවට යාමට කොළඹ මහාධිකරණයෙන් අද අවසර ලබාදී තිබේ.

ඒ, යෝෂිත රාජපක්ෂ මහතා අධිකරණයට ගොනු කළ මෝසමක් සළකා බැලීමෙන් අනතුරුව ය.

උපයාගත් ආකාරය හෙළි කළ නොහැකි මුදල් යොදවා CSN නාලිකාව ආරම්භ කිරීම ඇතුළු චෝදනා යටතේ කඩුවෙල මහේස්ත්‍රාත් අධිකරණය හමුවේ විභාග වන නඩුවකට අදාලව යෝෂිත රාජපක්ෂ මහතාගේ විදෙස් ගමන් මීට පෙර තහනම් කර තිබිණි.

මහාධිකරණ විනිසුරු ඒ. ඒ. ආර් හෙයියන්තුඩුව මහතා රාජපක්ෂ මහතාට පැන වූ එම තහනම් තාවකාලිකව ඉවත් කරමින් නියෝග කළේ, ඒ පිළිබඳව ආගමන විගමන පාලකවරයාට සහ ජාතික බුද්ධි තොරතුරු ඒකකයේ අධ්‍යක්ෂවරයා දැනුවත් කරන ලෙස ය.

මීට අමතරව කඩුවෙල මහේස්ත්‍රාත් අධිකරණය හමුවේ ඇති සැකකරුගේ විදේශ ගමන් බලපත්‍රය රුපියල් ලක්ෂ 5 ක පුද්ගලික ඇපකරයක් මත මුදහරින ලෙසට ද මහාධිකරණ විනිසුරුවරයා එහිදී කඩුවෙල මහේස්ත්‍රාත්වරයාට නියෝග කළේ ය.

• කරන්දෙණියේ අනතුරකින් පුද්ගලයින් 15 කට තුවාල
• ඝාතන කුමන්ත්‍රණයක් සම්බන්ධයෙන් අත්අඩංගුවට ගත් සැකකරු රඳවාගෙන ප්‍රශ්න කෙරේ
• ඉරාන ජනපතිගෙන් ජනපති ගෝඨාභයට සුබ පැතුම්
• රිෂාඩ් බදියුදීන්ගෙන් ජනපතිට ලිපියක්
• විපක්ෂ නායක ධුරය සජිත් ප්‍රේමදාසට
• හිටපු රාජ්‍ය ඇමති රංජන් සා/පෙළ ලියයි
• ජනපතිගෙන් විදෙස් රටවල්වලට විවෘත ඇරයුමක්
• මිරිහාන රැඳවුම් කඳවුරේ මෙහෙයුමකින් උපකරණ රැසක් පොලිස් භාරයට
• විදෙස්ගත වන ශ්‍රමිකයින්ගෙන් අය කරන ගාස්තු පහළට
• අයහපත් කාලගුණයෙන් පීඩාවට පත් පිරිස 29804ක් දක්වා ඉහළට