කින්නියා ඇතුළු ත්‍රිකුණාමලය දිස්ත්‍රික්කයෙන් ඩෙංගු රෝගීන් 2000ක් වාර්තා වී ඇතැයි සෞඛ්‍ය අමාත්‍යංශය පවසයි.

ජාතික ඩෙංගු මර්දන ඒකකය සඳහන් කළේ, මුතූර්, උප්පුවේලි සෞඛ්‍ය වෛද්‍ය නිලධාරි කොට්ඨාසවලින් ද ඩෙංගු රෝගීන් වාර්තාවී ඇති බවයි.

වසරේ ගත වූ කාලය තුළ දිවයින පුරා ඩෙංගු රෝගීන් 22000කට අධික සංඛ්‍යාවක් වාර්තාවී ඇති බව ත් පුද්ගලයින් 39 දෙනෙකු මියගොස් ඇති බවත් ජාතික ඩෙංගු මර්දන ඒකකයේ ප්‍රජා වෛද්‍ය විශේෂඥ ප්‍රශිලා සමරවීර මහත්මිය සඳහන් කළා ය.

මේ අතර කින්නියා ප්‍රදේශයේ ඩෙංගු මර්දන කටයුතු සඳහා නිලධාරීන් 40 කට අධික සංඛ්‍යාවක් මෙන් ම කීට විද්‍යා නිලධාරීන් ද යොදවා තිබේ.

බස්නාහිර පළාතේ ඩෙංගු මර්දනයට පත් කළ නිලධාරීන් 100 දෙනෙකු අද කින්නියා ප්‍රදේශයේ ඩෙංගු මර්දන කටයුතු සඳහා පිටත් කර හරින බව සෞඛ්‍ය සේවා අධ්‍යක්ෂ වෛද්‍ය ජයසුන්දර බන්ඩාර මහතා සඳහන් කළේ ය.

ඔහු පැවසුවේ, කල්මුණේ ප්‍රදේශයේ මදුරු කීටයන් සහිත ළිං 6000ක මදුරු කීටයන් විනාශ කිරීමට පියවර ගත් බවයි.

මේ අතර ඩෙංගු රෝගය පැතිරයාම හේතුවෙන් වසා දැමුණු ත්‍රිකුණාමලය, කින්නියා අධ්‍යාපන කලාපයේ පාසල් 66 ක් අද යළි විවෘත කෙරෙයි.

පළාත් අධ්‍යාපන අධ්‍යක්‍ෂ M.M. අහමඞ් ලෙබ්බේ සඳහන් කළේ, ඩෙංගු ව්‍යාප්තිය හේතුවෙන් එම පාසල් වසා දැමීමට පියවර ගත් බව ය.

මේ වන විට ඩෙංගු ව්‍යාප්තිය පාලනය වීම හේතුවෙන් පාසල් යළි විවෘත කිරීමට පියවර ගත් බව ඔහු සඳහන් කළේ ය.

පළාත් අධ්‍යාපන අධ්‍යක්‍ෂ M.M. අහමඞ් ලෙබ්බේ සඳහන් කළේ, පාසල් වසා දැමුණු දින තුන වෙනුවෙන් සෙනසුරාදා දිනයන්හිදී ඉගැන්වීම් කටයුතු සිදුකරන ලෙසට උපසේ දී ඇති බවයි.

• ජනපති හා අමෙරිකා ජනපති ජෝ බයිඩ්න් අතර හමුවක්..
• පළාත් පාලන මැතිවරණයේ නාමයෝජනා අවංලගු කිරීමට විෂය භාර අමාත්‍යාංශ උපදේශක සභාවේ අනුමැතිය..
• කොළඹ ප්‍රදේශ කිහිපයකට පැය 12ක ජල කප්පාදුවක්
• JUST IN : ඉන්දියාව කැනේඩියානු පුරවැසියන්ට වීසා නිකුත් කිරීම අත්හිටුවයි
• හිටපු මන්ත්‍රී මුතුහෙට්ටිගම යළි රක්ෂිත බන්ධනාගාරයට
• 2023 උසස් පෙළ විභාගය කල් යන ලකුණු : නිශ්චිත දිනය ලබන සතියේ… ඇමති පාර්ලිමේන්තුවේදී කියයි
• ඉන්දියාවෙන් දුම්රිය එන්ජින් 10ක් මිලට ගැනීමට පියවර
• ශ්‍රී ලංකාවේ සංවර්ධනයට ඩොලර් මිලියන 19කට වැඩි අතිරේක මුදලක් වෙන් කරනවා – USAID ආයතනය
• ජනපති අද එක්සත් ජාතීන්ගේ මහ මණ්ඩලය අමතයි
• අවිස්සාවේල්ලේ වෙඩි තැබීමක්: පුද්ගලයින් දෙදෙනෙක් මරුට