Bestweb 2018
Bestweb 2018

ෆොක්ස්වාගන් සමාගම ඉන්දීයාව සමග අවබෝධතා ගිවිසුමකට එළඹෙයි: ලංකාවට මොකද වෙන්නේ?

ෆොක්ස්වාගන් සමාගම ඉන්දීයාව සමග අවබෝධතා ගිවිසුමකට එළඹෙයි: ලංකාවට මොකද වෙන්නේ?

By Chathuranga Rajapaksha

12 Mar, 2017 | 8:05 pm

ජර්මනියේ ප්‍රකට මෝටර් රථ නිෂ්පාදක‍යකු වන ෆොක්ස්වාගන් සමාගම ඉන්දීයාව සමග අවබෝධතා ගිවිසුමක් අත්සන් කර තිබේ.

නමුත් පසුගිය දිනක අග්‍රාමාත්‍ය රනිල් වික්‍රමසිංහ මහතා පැවසුවේ ෆොක්ස්වාගන් ආයතනය මෙරට ආයෝජනය නොකළේ එම සමාගම ජාත්‍යන්තර අර්බුදයකට ලක්ව ඇති නිසා බව ය.

අග්‍රාමාත්‍ය රනිල් වික්‍රමසිංහ මහතා / 2017 – 01 – 05

[quote]මං මේ දැක්කා නිව්ස්ෆස්ට් කියන ආයතනය කියනවා ෆොක්ස්වාගන් සමාගමේ ආයෝජනයක් නෑ කියලා වෙස්ටර්න් ඔටෝමොබයිල් එසෙම්බ්ලි සමාගමට , ඕක එහාට යන්න වැඩැක් නැහැ මගෙන් ඇහුවනම් මං කියන්නම් නැහැ කියලා . 2015 ඕක එද්දී අපි කිව්වා වොක්ස්වගන් සමාගම සමග ආයෝජනයක් ගේන්න ඕනේ කියලා ඒත් 2015 අවසන් වෙනකොට 2016 මුල් භාගයේදී වොක්ස්වගන් ආයතන විශාල ජාත්‍යන්තර අර්බුදයකට පරීක්ෂණයකට ලක්වෙලා තියෙද්දී විශේෂයෙන්ම ආණ්ඩුවෙන් කිව්වා වොක්ස් වොගන් ආයෝජනය ගන්න එපා[/quote]

ඉන්දීයාවේ ටාටා මෝටර්ස් සමාගම සමග ඇති කර ගෙන ඇති අව‍බෝධතා ගිවිසුමක් හරහා මෝටර් රථ හා මෝටර් රථ කොටස් නිෂ්පාදනය කිරීම සිදුවන බව බී.බී.සී. පුවත් සේවය වාර්තා කළේය.

ඉන්දීය මාධ්‍ය වාර්තා කර තිබුණේ ,මෙම ගිවිසුම හරහා ඉන්දීයාව මෙන්ම ඉන්දීය අර්ධ ද්වීපයේ රටවල් සියල්ලටම වාසි ලබා ගත හැකි බව ය.

විදෙස් මාධ්‍ය වාර්තා කළේ, ජර්ම‍නියේ ෆොක්ස්වාගන් ආයතනය මෙන්ම ඉන්දියාවේ ටාටා ආයතනය මෙම ගිවිසුමට එළැඹ ඇත්තේ තම ව්‍යාපාරික කටයුතු වලට නව මුහුණුවරක් ලබා දීමේ අරමුණින් බව ය.