පන්දුවාර 20යි 20 ලෝක කුසලාන ක්‍රිකට් තරගාවලියට පෙර තමන් සහභාගී වූ දෙවැනි පුහුණු තරගයෙන් ද පකිස්තානය හමුවේ පරාජය වීමට ශ්‍රී ලංකා කණ්ඩායමට සිදුවිය.

ඉන්දියාවේ කල්කටාහීදී පැවැති තරගයේ පලමුවෙන් පන්දුවට පහරදුන් පකිස්තාන කණ්ඩායම නියමිත පන්දුවාර 20 තුළ කඩුලු 5ක්
දැවී රැස්කල ලකුණු සංඛ්‍යාව 157කි.

පිළිතුරු ඉනිම ක්‍රීඩා කළ ශ්‍රී ලංකා කණ්ඩායමට නියමිත පන්දුවාර 20 තුළ කඩුලු 9 ක් දැවී රැස් කළේ, ලකුණු 142ක්පමණි.

ලහිරු තිරිමාන්න පන්දු 37 කින් ලකුණු 45 ක් රැස්කල අතර ඉමාද් වසීම් ලකුණු 25ට කඩුලු 4 ක් දවා ගත්තේය.

කණ්ඩායම් 10 ක සහභාගීත්වයෙන් 7 වැනි වරට පැවැත්වෙන පන්දුවාර 20යි 20 ලෝක කුසලාන ක්‍රිකට් තරගාවලිය හෙට ආරම්භ වේ.

පළමු තරගයට සත්කාරක ඉන්දියාව සමග තරග වදින්නේ නවසීලන්තයයි.

ඉන්දියාව පන්දුවාර 20යි 20 කණ්ඩායම් ශ්‍රේණිගත කිරීම් ලේඛණයේ අංක එක කණ්ඩායම ලෙස මෙම තරගාවලියට සහභාගීවන අතර, නවසීලන්තය සිව්වැනි ස්ථානයේ පසුවේ.

පන්දුවාර 20යි 20 ලෝක කුසලානය ඉන්දියාව, පකිස්තානය, එංගලන්තය, බටහිර ඉන්දීය කොදෙව් හා ශ්‍රී ලංකාව දිනා සිටී.

මෙවර ප්‍රධාන තරගාවලියට පන්දුවාර 20යි 20 කණ්ඩායම් ශ්‍රේණිගත කිරීම්හි පෙරමුණේ පසුවූ කණ්ඩායම් 8 ක් සුදුසුකම් ලබා ගැනිණ.

සුදුසුකම් ලබා ගැනීමේ තරගාවලියේදී ප්‍රධාන තරගාවලියට සුදුසුකම් ලබා ගත්තේ ඇෆ්ගනිස්තානය සහ බංග්ලාදේශයයි.

ශ්‍රී ලංකා කණ්ඩායම, ලබන බ්‍රහස්පතින්දා ඇෆ්ගනිස්තානයට එරෙහිව තරග වැදීමට නියමිත ය.

• අප්‍රේල් 21 කුරිරු ප්‍රහාරයට අදට මාසයයි
• අප්‍රේල් 21 ප්‍රහාරය වළක්වා ගැනීමට ක්‍රියා නොකිරීම සම්බන්ධයෙන් පාර්ශව ගණනාවක් අධිකරණය හමුවට
• අත්අඩංගුවට ගත් පාර්ලිමේන්තු සේවකයා වැඩිදුර විමර්ශන සඳහා පාර්ලිමේන්තු සංකීර්ණයට
• අප්‍රේල් 21 ප්‍රහාරය: බෝම්බකරුවන්ගේ අනන්‍යතාව DNA පරීක්ෂණවලින් තහවුරු වේ
• ‘ද ජැපෑන් ටයිම්ස්’ පුවත්පත ගම්මැද්ද පිළිබඳ වාර්තා කරයි
• ෂැන්ග්‍රිලා හෝටලයේදී ප්‍රහාර එල්ල කළ දෙදෙනාගෙන් එක් අයෙකු සහරාන් බව DNA වාර්තාවෙන් තහවුරු වෙයි
• මධුෂ්ගෙන් ප්‍රශ්න කිරීමට පොලිස් මත්ද්‍රව්‍ය නාශක කාර්යංශ නිලධාරීන් කණ්ඩායමක්
• හිටපු DIG නාලක ද සිල්වා ඇප මත මුදා හැරේ
• රනිල් වික්‍රමසිංහගේ පාර්ලිමේන්තු අසුන අභියෝගයට ලක් කළ පෙත්සම ප්‍රතික්ෂේපයි
• ආණ්ඩුවට එරෙහි විශ්වාසභංග යෝජනාව කතානායකට භාරදෙයි