කැලණි ගඟට මිශ්‍ර වූ තෙල් ඉවත් කළ බව ප්‍රකාශ කෙරුණ ද ඒ පිළිබඳව ජනතාව තුළ තවම ත් සැක සංකා පවතියි.

කැලණි ගඟට තෙල් මිශ්‍ර වීම ත් සමග එහි ජලය අඹතලේ පවිත්‍රාගාරයේ සිට බෙදා හරින කොළොන්නාව, කෝට්ටේ, මාලිගාකන්ද, දෙහිවල හා මෝදර, මට්ටක්කුලිය ප්‍රදේශවල ජනතාව දැඩි අපහසුතාවකට පත්විය.

ඔවුන් පැවසුවේ, ගඟ දෙපස ඉදිකර ඇති කර්මාන්ත ශාලාවලින් මෙන් ම ගඟ පරිහරණය කරන්නන් අඛණ්ඩව කැලණි ගඟට අපද්‍රව්‍ය නිකුත් කරන බව ය.

කෙසේ වුව ද ඊයේ වන විට පිරිසිදු පානීය ජලය ලබා දීමට හැකි වූ බව ජලාපවහන මණ්ඩලය පවසයි.

අඹතලේ ජල පවිත්‍රාගාරයට ගිය නිව්ස්ෆස්ට් කණ්ඩායමට දක්නට ලැබුණේ, කැලණි ගඟෙන් ලබා ගන්නා ජලය පියවර කිහිපයක් ඔස්සේ පැය දෙකකට ආසන්න කාලයක් පවිත්‍රකරණය සිදු වන ආකාරයයි.

ජල පවිත්‍රකරණ ටැංකි 6කින් සමන්විත එම පවිත්‍රාගාරය 1966 වසරේ ඉදිකෙරුණු අතර කලින් කලට එය වැඩිදියුණු කෙරිණි.

කෙසේ වුවත් මිනිස් ක්‍රියාකාරකම් හේතුවෙන් තවදුරට ත් පොම්පාගාරය තුළට තෙල් මිශ්‍ර ජලය ගලා ඒමේ අනතුරක් පවතින බව ස්ථාන භාර නිලධාරීවරයා පැවසී ය.

කැලණි ගඟේ අද පවතින තත්ත්වය පිළිබඳව නිරීක්ෂණය කිරීමට ද නිව්ස්ෆස්ට් කන්ඩායම කටයුතු කළේ ය.

• පදියතලාවේ දැඩි සුළඟකින් නිවාස 10 කට හානි
• ලෝක කුසලානයේ පුහුණු තරගයෙන් ඉන්දීයාවට එරෙහිව නවසීලන්තයට කඩුලු 6 ක ජයක්
• ඉන්දීය අගමැති ධූරයට නරේන්ද්‍ර මෝදි යළි පත් කෙරේ
• අද ත් දිස්ත්‍රික්ක කිහිපයක විශේෂ සෝදිසි මෙහෙයුම්
• අද ත් ප්‍රදේශ රැසකට වැසි
• හලාවත රිය අනතුරකින් තරුණයින් තිදෙනෙකු මරුට
• කුරුණෑගල රෝහලේ වෛද්‍යවරයා CID ය භාරයට
• වැල්ලම්පිටිය තඹ කර්මාන්ත ශාලාවේ සේවකයින් පිළිබඳ විමර්ශන TID යට
• ගෙවුණු දවස උණුසුම් කළ පුවත්…
• ඉන්දියාවට හා ජපානයට කොළඹ වරායේ නව බහාලුම් පර්යන්තයකට රජයෙන් සැලසුම් ?