ඉලංගෙයි තමිල් අරසු පක්ෂය විපක්ෂ නායක ධුරය ඉල්ලයි

ඉලංගෙයි තමිල් අරසු පක්ෂය විපක්ෂ නායක ධුරය ඉල්ලයි

ඉලංගෙයි තමිල් අරසු පක්ෂය විපක්ෂ නායක ධුරය ඉල්ලයි

කර්තෘ Sakila Udayakumara

29 Aug, 2015 | 8:06 pm

ඉලංගෙයි තමිල් අරසු කච්චි අද නිවේදනයක් නිකුත් කරමින් පාර්ලිමේන්තුවේ විපක්ෂ නායක ධුරය ලබා දෙන ලෙසට රජයෙන් ඉල්ලීමක් කළේ ය.

දෙමළ ජාතික සන්ධානයේ මාධ්‍ය අංශය නිකුත් කළ එම නිවේදනයේ දැක්වෙන්නේ, ඉලංගෙයි තමිල් අරසු කච්චිහි පාර්ලිමේන්තු කණ්ඩායම් නායකයාට විපක්ෂ නායක ධුරය ලබා දිය යුතු බව ය.

ඊට හේතුව ලෙස ඔවුන් පෙන්වා දෙන්නේ, තනි පක්ෂයක් ලෙස තමන් පාර්ලිමේන්තුවේ ආසන 16ක් ලබා ගැනීම ය.

මේ වන විට එක්සත් ජාතික පක්ෂය හා එක්සත් ජනතා නිදහස් සන්ධානය යටතේ තරග කර ජය ගත් ජනතා නියෝජිතයින් ජාතික ආණ්ඩුවකට එකඟ වී ඇමති ධුර දැරීමට සූදානම් වන බව එම ලිපියේ සඳහන් වේ.

මේ නිසා උතුරු නැගෙනහිර දෙමළ ජනතාවට ශ්‍රී ලාංකිකයින් ලෙස පිළිගැනීමක් ලබා දීම පිණිස විපක්ෂ නායක ධුරය ඉලංගෙයි තමිල් අරසු කච්චි වෙත ලබා දිය යුතු බව එම නිවේදනයේ සඳහන් කර තිබේ.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]