සමෘද්ධි ප්‍රතිලාභීන් හා නිලධාරීන් වෙනුවෙන් දුන් පොරොන්දු කිසිවක් ඉටු කර නැතැයි පවසමින් අද බත්තරමුල්ලේදී උද්ඝෝෂණයක් පැවැත්විණි.

ඊට එක්ව සිටියේ, සමස්ත ලංකා සමෘද්ධි සංවර්ධන හා කෘෂිකර්ම නිලධාරී සංගම‍ය ඇතුළු වෘත්තිය සමිති කිහිපයකි.

බත්තරමුල්ල පාර්ලිමේන්තු වටරවුම අසලට රැස් වූ පිරිස පසුව පා ගමනක් ආරම්භ කළහ.

පාර්ලිමේන්තු මන්ත්‍රීවරුන් ඇතුළු පිරිසක් මේ විරෝධතාවට එක්ව සිටියහ.

සමෘද්ධි අමාත්‍යංශය පිහිටි බත්තරමුල්ල, සෙත්සිරිපාය දක්වා පැමිණි පිරිස එහිදී විරෝධතාව පළ කළහ.

එහිදී අමාත්‍යංශ ලේකම්වරයා පැමිණ උද්ඝෝෂකයින් හමු‍ වී ගැටලුවලට අදාළ පෙත්සමක් භාර ගත්තේ, විෂය භාර අමාත්‍යවරයාට භාර දීමේ අරමුණින් ය.

මේ අතර විරෝධතා ව්‍යාපාරයට නිලධාරීන් පැමිණීම හේතුවෙන් අද දිනයේ ප්‍රදේශ රැසක දිවි නැගුම බැංකු කටයුතු අඩාල වී ජනතාව අසීරුතාවට පත්වූහ.

මේ අතර ඊයේ මාධ්‍ය හමුවක් කැඳවමින් සමස්ත ලංකා එක්සත් සමෘද්ධි සංවර්ධන නිලධාරී සංගමය පැවසුවේ, එක් දේශපාලන පක්ෂයක් පමණක් එක්ව සිදු කරන මෙම විරෝධතා ක්‍රියාවලිය හෙළා දකින බව ය.

• ශ්‍රී ලංකා-පාකිස්ථාන ටෙස්ට් තරගාවලියට දින නියම වෙයි
• ආසියානු සංවර්ධන බැංකුවෙන් ග්‍රාමීය මාර්ග සංවර්ධනයට ඩොලර් මි.150ක මූල්‍යාධාරයක්
• නිශ්ශංක සේනාධිපතිගේ වෛද්‍ය වාර්තාවක් ඉදිරිපත් කරන්නැයි, අධිකරණයෙන් බන්ධනාගාර අධිකාරිට නියෝග
• ජාතික පාසල් ලැයිස්තුවට තවත් පාසල් 4ක්
• අලි රොෂාන් සම්බන්ධ ඉදිරි පියවර ගැන දැනුම් දෙන්නැයි, අධිකරණයෙන් නීතිපතිට නියෝග
• මැතිවරණ නීති කැඩූ 83 දෙනෙකු අත්අඩංගුවට
• ගාල්ලේදී නිදහස් මාධ්‍යවේදියෙකුට ප්‍රහාරයක්
• ප්‍රවීණ මලල ක්‍රීඩා පුහුණුකරු යෝගානන්ද විජේසුන්දර අභාවප්‍රාප්ත වෙයි
• ජනාධිපතිවරණය වෙනුවෙන් ගම්බිම් බලා යන ජනතාවට විශේෂ ප්‍රවාහන සේවා
• වසරේ සරාගීම පුද්ගලයා ‘ජෝන් ලෙජන්ඩ්’