මාලන් සැමුවෙල්ස් කළ රඟපෑම කුමක් ද?

මාලන් සැමුවෙල්ස් කළ රඟපෑම කුමක් ද?

මාලන් සැමුවෙල්ස් කළ රඟපෑම කුමක් ද?

කර්තෘ Chathuranga Rajapaksha

24 Apr, 2015 | 4:54 pm

ක්‍රිකට් යනු එංගලන්තයෙන් ඉපදී ලොව වටා රටවල් ගණනාවක ප්‍රචලිත වූ ක්‍රිඩාවකි.

බටහිර ඉන්දීය කොදෙව් ක්‍රිකට් ක්‍රීඩකයින් යනු බොහෝ විට විනෝදයෙන් ක්‍රීඩා කරන ක්‍රීඩකයින් ලෙස ප්‍රචලිත වී තිබේ.

ඊට අමතරව ඔවුන් ආන්දෝලනාත්මක ක්‍රියාවල නිරත වන කණ්ඩායමක් ලෙස ද නම් දරා සිටී.

ඒ අනුව, බටහිර ඉන්දීය කොදෙව් ක්‍රීඩක මාලන් සැමුවෙල්ස්ගේ ක්‍රියාවක් හේතුවෙන් ඔවුන් යළි ත් වරක් ආන්දෝලනාත්මක කණ්ඩායමක් බවට පත්ව තිබේ.

ඒ, එංගලන්තයට එරෙහිව පැවැත්වෙන දෙවන ටෙස්ට් ක්‍රිකට් තරගයේදී ය.

කොදෙව් දූපත්හිදී පැවැත්වෙන තරගයේ 3 වෙනි දිනයේදී ලකුණු 8කට දැවී ගිය එංගලන්ත කණ්ඩායමේ තුන් ඉරියව් ක්‍රීඩකයෙකු වන බෙන් ස්ටෝක්ස්ට මාලන් සැමුවෙල්ස් සිය ආචාරය පුද කළේය.

බෙන් ස්ටෝක්ස් දැවී යාමෙන් අනතුරුව යළි ක්‍රීඩාගාරය බලා යන අවස්ථාවේදී මාලන් සැමුවෙල්ස් ඔහුගේ තොප්පිය පපුව මත තබා ගනිමින් දකුණු අතින් ආචාර කළේ ය.

මේ වන විට සැමුවෙල්ස්ගේ මෙම ආන්දෝලනාත්මක ක්‍රියාව ජාත්‍යන්තර විචාරකයින්ගේ කතාබහට ලක්ව තිබේ.

ඒ අනුව, බටහිර ඉන්දීය කොදෙව් පන්දු පුහුණුකරු ශ්‍රීමත් කර්ට්නි ඇම්බ්‍රෝස් පවසන්නේ, සැමුවෙල්ස් කළ එම ක්‍රියාවේ කිසිදු වරදක් නොමැති බව ය.

මේ අතර, හිටපු එංගලන්ත ටෙස්ට් ක්‍රිකට් නායක මයිකල් වෝන් ද මෙලෙස සැමුවෙල්ස්ට ප්‍රශංසා කර තිබේ.

ඔහු පවසා ඇත්තේ, මාලන් සැමුවෙල්ස්ගේ ක්‍රියාව යහපත් එකක් බව ය.