ඉයන් බෝතම් පිහිටුවා තිබූ වාර්තාව ජේම්ස් ඇන්ඩර්සන් බිඳ දමයි (VIDEO)

ඉයන් බෝතම් පිහිටුවා තිබූ වාර්තාව ජේම්ස් ඇන්ඩර්සන් බිඳ දමයි (VIDEO)

කර්තෘ Sakila Udayakumara

18 Apr, 2015 | 12:14 pm

එංගලන්තය වෙනුවෙන් වැඩි ම ටෙස්ට් කඩුලු සංඛ්‍යාවක් දවා ගනිමින් ශ්‍රීමත් ඉයන් බෝතම් පිහිටුවා තිබූ වාර්තාව අභිබවා යෑමට වේග පන්දු යවන ක්‍රීඩක ජේම්ස් ඇන්ඩර්සන් සමත් විය.

ඒ, බටහිර ඉන්දීය කොදෙව් කණ්ඩාමට එරෙහිව ඇන්ටිගුවාහිදී පැවැති පළමු ටෙස්ට් ක්‍රිකට් තරගයේදී ය.

එංගලන්ත – බටහිර ඉන්දීය කොදෙව් පළමු ටෙස්ට් ක්‍රිකට් තරගය ඇන්ටිගුවාහිදී ඊයේ ජය පරාජයෙන් තොරව අවසන් විය.

තරගයේ ජයග්‍රහණයට බටහිර ඉන්දීය කොදෙව් කණ්ඩායමට හිමි වූ ඉලක්කය ලකුණු 438කි.

කොදෙව්වන් ඊයේ තරගය අවසන් වනවිට කඩුලු 7ක් දැවී ලකුණු 350ක් රැස් කරගෙන සිටියේ ය.

එම තරගයේ ඉනිම දෙකේදීම එංගලන්ත වේග පන්දු යවන ක්‍රීඩක ජේම්ස් ඇන්ඩර්සන් දවා ගත් කඩුලු ගණන 4කි.

බටහිර ඉන්දීය කොදෙව් කඩුලු රකින ක්‍රීඩක දිනේෂ් රාම්ඩීන් ඊයේ දවා ගැනීමත් සමග ශ්‍රීමත් ඉයන් බෝතම්ගේ
ටෙස්ට් කඩුලු 383 වාර්තාව අභිබවා යෑමට ඇන්ඩර්සන් සමත් විය.

ඒ අනුව ඔහු මේ වනවිට ලබාගෙන සිටින ටෙස්ට් කඩුලු ගණන 384කි.