ආසියානු කුසලාන ක්‍රිකට් තරගාවලියෙන් පන්දු වාර 30ක් කැපේ

ආසියානු කුසලාන ක්‍රිකට් තරගාවලියෙන් පන්දු වාර 30ක් කැපේ

ආසියානු කුසලාන ක්‍රිකට් තරගාවලියෙන් පන්දු වාර 30ක් කැපේ

කර්තෘ Kumudu Jayawardana

16 Apr, 2015 | 1:47 pm

ආසියානු කුසලාන ක්‍රිකට් තරගාවලියේ (Asia Cup) වෙනස්කම් රැසක් සිදු කිරීමට ජාත්‍යන්තර ක්‍රිකට් කවුන්සිලය තීරණය කර තිබේ.

ආසියානු ක්‍රිකට් කවුන්සිලයේ ප්‍රධාන විධායක නිලධාරී සයඩ් අෂ්රෆුල් හක් ඔස්ට්‍රේලියානු ක්‍රිකට් වෙබ් අඩවියට පවසා ඇත්තේ, ආසියානු කුසලාන ක්‍රිකට් තරගාවලිය ලබන වසරේ සිට පන්දු වාර 20 තරගාවලියක් ලෙස පවත්වන බව ය.

කෙසේ වෙතත්, ලෝක කුසලාන ක්‍රිකට් තරගාවලිය පැවැත්වෙන වසරවලදී ආසියානු කුසලාන ක්‍රිකට් තරගාවලිය පන්දු වාර 50 තරගාවලියක් ලෙස පැවැත්වීමට තීරණය වී තිබේ.

මේ වන විට ආසියානු ක්‍රිකට් තරගාවලියට සහභාගි වන ශ්‍රී ලංකාව, පකිස්ථානය, ඉන්දියාව සහ බංග්ලාදේශය යන රටවලට අමතරව තවත් සුදුසුකම් සපුරන රටවල් 2ක් සහභාගි කරවා ගැනීමට අපේක්ෂා කෙරේ.

මීට අමතරව, ලබන ජූනි මස 30 වන දා ආසියානු ක්‍රිකට් කවුන්සිලය විසුරුවා හැරෙන අතර එහි කටයුතු ජාත්‍යන්තර ක්‍රිකට් කවුන්සිලය යටතට ගැනෙනු ඇත.