ලෝක කුසලානයේ අර්ධ අවසන් වටයට පිවිසෙන කණ්ඩායම් ගැන නිවැරදිව කී සචින්ගේ පුදුම අනාවැකිය නරඹන්න…(VIDEO)

ලෝක කුසලානයේ අර්ධ අවසන් වටයට පිවිසෙන කණ්ඩායම් ගැන නිවැරදිව කී සචින්ගේ පුදුම අනාවැකිය නරඹන්න…(VIDEO)

කර්තෘ Staff writer

24 Mar, 2015 | 11:11 am

සචින් ටෙන්ඩුල්කාර් ඉන්දීය ක්‍රිකට් ලෝලීන්ගේ දෙවි කෙනෙකු (God Sachin) වී හමාර ය.

ඔහු වෙනුවෙන් දෙවොලක් ද ඉදි කර තිබේ.

ඒ, සචින් ටෙන්ඩුල්කාර් පිහිටවූ ක්‍රිකට් වාර්තා, වාර්තා කළ ශතක සහ එල්ල කළ 6 පහර හේතුවෙනි.

එහෙත්, ඔහු සිය ක්‍රීඩා ලෝලීන් අතර දේවත්වයට පත් වීමට තවත් හේතුවක් නිර්මාණය වී තිබේ.

එම හේතුව වන්නේ, මෙවර ලෝක කුසලාන ක්‍රිකට් තරගාවලියේ අර්ධ අවසන් වටයට සුදුසුකම් ලබන කණ්ඩායම් 4 ම පිළිබඳව නිවැරදිව පසුගිය පෙබරවාරි මාසයේදී අනාවැකි පළ කිරීම ය.

ඔහු විසින් රචනා කරන ලද ‘Playing It My Way’ නමැති ස්වයංචරිතාපදානය එළි දැක්වීමේ උත්සවයේදී මාධ්‍යවේදියෙකු නැගූ ප්‍රශ්නයකට පිළිතුරු දෙමින් ටෙන්ඩුල්කාර් මෙම අනාවැකිය පළ කර තිබිණි.

ඔහු එහිදී පැවසුවේ, ඔස්ට්‍රේලියාව, දකුණු අප්‍රිකාව, නවසීලන්තය සහ ඉන්දියාව මෙවර ලෝක කුසලාන තරගාවලියේ අර්ධ අවසන් වටයට සුදුසුකම් ලබනු ඇති බව ය.

එම ප්‍රකාශය කළ අවස්ථාව ඇතුළත් වීඩියෝව Youtube හරහා මේ වන විට ලෝක ක්‍රිකට් ලෝලීන් අතර වේගයෙන් ව්‍යාප්ත වෙමින් පවතී.

පහත දැක්වෙන්නේ, එම වීඩියෝව යි.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]