ලෝක කුසලාන ක්‍රිකට් තරගාවලියේ ඔස්ට්‍රේලියාව හා නවසීලන්තය අතර පැවති තරගයෙන් නවසීලන්තය තියුණු ජයක් වාර්තා කළේ ය.

මෙම තරගයේ ජයග්‍රහණයක් සමග A කාණ්ඩයේ පෙරමුණ හිමි කර ගැනීමට නවසීලන්තය සමත් විය.

ඔක්ලන්ඩ් ක්‍රීඩාංගණයේදී පැවති තරගයේ කාසියේ වාසිය හිමි කර ගත් ඔස්ට්‍රේලියාව ප්‍රථමයෙන් පන්දුවට පහර දීමට තීරණය කළේ ය.

ඒ අනුව ඔස්ට්‍රේලියාව පන්දුවාර 32යි පන්දු දෙකකදී සියලු කඩුලු දැවී ලකුණු 151ක් රැස් කළේ ය.

අද තරගයේදී ඔස්ට්‍රේලියානු කිසිම ක්‍රීඩකයෙකුට ලකුණු 50 සීමාව පසු කිරීමට නොහැකි විය.

ඔස්ට්‍රේලියාව වෙනුවෙන් වැඩි ම ලකුණු සංඛ්‍යාව බ්‍රැඩ් හැඩින් වාර්තා කළ අතර ඔහු රැස් කළ ලකුණු සංඛ්‍යාව ලකුණු 43කි.

ඩේවිඩ් වෝනර් ලකුණු 34ක් ද ශේන් වොට්සන් ලකුණු 23ක් ද රැස් කළහ.

විශිෂ්ට පන්දු යැවීමක නිරත වූ නවසීලන්තයේ ට්‍රෙන්ට් බෝල්ට් ලකුණු 27කදී කඩුලු 5ක් බිඳ හෙළීමට සමත් විය.

ඩැනියල් විටෝරි සහ ටිම් සවුතී අතර කඩුලු 2 බැගින් බෙදී ගිය අතර කොරේ ඇන්ඩර්සන් එක් කඩුල්ලක් බිඳ හෙළූහ.

ලකුණු 152 ක ඉලක්කයක් කරා හඹා ගිය නවසීලන්තයේ බ්‍රෙන්ඩම් මැකලම් ලකුණු 50 ක් රැස් කළේ ය.

කේන් විලියම්සන් නොදැවී ලකුණු 39ක් සහ කොරේ ඇන්ඩර්සන් ලකුණු 26ක් රැස් කළහ.

නවසීලන්තයට නොදෙවෙනි පන්දු යැවීමක නිරත වූ ඔස්ට්‍රේලියාවේ මිචෙල් ස්ටාර්ක් ලකුණු 28කදී කඩුලු 6ක් ද පැට් කියුමින්ස් කඩුලු 2ක් ද ග්‍රෙන් මැක්ස්වෙල් එක් කඩුල්ලක් ද බිඳ හෙළූහ.

ඒ අනුව නවසීලන්තය ලකුණු 152ක ජයග්‍රාහී ඉලක්කය කරා යමින් තරගයේ ජය වාර්තා කළේ ය.

• හංවැල්ලේ වෙඩි තැබීමකින් පුද්ගලයෙකු මරුට
• සජිත් ප්‍රේමදාස හා එ.ජා.පෙ පක්ෂ නායකයින් අතර හමුවක්
• කාලගුණය අයහපත් : ප්‍රදේශ රැසකට තද වැසි
• අගමැති රනිල් හෙට වංචා දූෂණ සොයන ජනපති කොමිසම හමුවට
• උතුරු මාර්ගයේ දුම්රිය ධාවනයට තවදුරටත් බාධා
• දක්ෂිණ අධිවේගයේ වාහන 6ක් එකිනෙක ගැටෙයි
• ඇමතිගේ අනුමැතියකින් තොරව සුරාබදු බලපත්‍ර දී ඇති බවට අනාවරණයක්
• බීමත් රියදුරන් අත්අඩංගුවට ගැනීමේ මෙහෙයුම් අඛණ්ඩව
• රජයේ ඉඩම්වල ඇති රාජ්‍ය ආයතන 10,000කට ඔප්පු නැහැ
• ජ්‍යෙෂ්ඨ පොලිස් නිලධාරීන් 64 දෙනෙකුට ස්ථාන මාරුවීම්