පාප් වහන්සේගේ දේව මෙහෙයට සහභාගී වන බැතිමතුන් වෙනුවෙන් විශේෂ ප්‍රවාහන සේවයක්

පාප් වහන්සේගේ දේව මෙහෙයට සහභාගී වන බැතිමතුන් වෙනුවෙන් විශේෂ ප්‍රවාහන සේවයක්

පාප් වහන්සේගේ දේව මෙහෙයට සහභාගී වන බැතිමතුන් වෙනුවෙන් විශේෂ ප්‍රවාහන සේවයක්

කර්තෘ Sakila Udayakumara

12 Jan, 2015 | 9:26 am

14 වන දා ගාලුමුවදොර පිටියේදී පැවැත්වෙන ශුද්ධෝත්තම පියතුමන්ගේ විශේෂ දේව මෙහෙයට සහභාගී වන බැතිමතුන්ගේ පහසුව වෙනුවෙන් විශේෂ ප්‍රවාහන සේවයක් ක්‍රියාත්මක කිරීමට නියමිත ය.

දුම්රිය ධාවන අධිකාරී එල්.ඒ.ආර්. රත්නායක මහතා පැවසුවේ, ඒ වෙනුවෙන් වන විශේෂ දුම්රිය සේවා හෙට සිට ආරම්භ කෙරෙන බව ය.

ඒ අනුව විශේෂ දුම්රිය 11ක් ක්‍රියාත්මක බව දුම්රිය පාලක මැදිරිය සඳහන් කළේ ය.

මේ අනුව යාපනය, බණ්ඩාරවෙල, මහනුවර, කුරුණෑගල, පුත්තලම, හලාවත, මාතර, ගාල්ල සහ අලුත්ගම යන දුම්රිය ස්ථානවල සිට කොම්පඤ්ඤ වීදිය දක්වා විශේෂ දුම්රිය ධාවනය කිරීමට නියමිත ය.

මේ අතර 14 වනදා ගාලුමුවදොර පිටියේදී පැවැත්වෙන ශුද්ධෝත්තම පියතුමන්ගේ විශේෂ දේව මෙහෙයට සහභාගී වන බැතිමතුන්ගේ පහසුව වෙනුවෙන් දිවයිනේ ප්‍රධාන නගරවල සිට විශේෂ බස් සේවා ක්‍රියාත්මක කෙරෙන බව ශ්‍රී ලංකා ගමනා ගමන මණ්ඩලයේ ධාවන කටයුතු පිළිබඳ නියෝජ්‍ය සාමාන්‍යාධිකාරී නිමල් ඇනස්ලි මහතා සඳහන් කළේ ය.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]