පසුගිය දා සන්නද්ධ පිරිසකගේ පැහැර ගැනීමට ලක් ව සිට යළි සොයා ගැනුණු ගල්ගමුව, මීගලෑව දිනිදු යසේන් ලංකානාත් දරුවා කුරුණැගල දිස්ත්‍රික්කයේ ඇහැටුවැව ප්‍රදේශයේ පිහිටි ගල්කිරියාකන්ද වන රොදට රැගෙන ගොස් රඳවා‍ තිබුණි.

ගල්කිරියාකන්ද වන රොද තුළ ගල් ගුහාවන් රැසක් තිබෙන අතර ඉන් එක් ගල් ගුහාවක යසේන් ලංකානාත් දරුවා රඳවාගෙන සිට තිබේ.

යසේන් පැහැරගත් පිරිස පසුව ,ප්‍රදේශයේ නිවසකට ඔහු ගෙනැවිත් දමා  පලාගොස් තිබුණි.

දරුවා සිටින ස්ථානය පිළිබඳ තොරතුරු අනාවරණය වුයේ ඉන් අනතුරුවයි.

එම නිවසේ හිමිකරු කඩිනමින් පොලීසිය දැනුවත් කිරීමට පියවර ගෙන තිබුණා.

දින ගණනක් මව්පිය වැඩිහිටි උණුහුමෙන් ඈත්ව සිටි යසේන් ලංකානාත් ට යළි තම නිවසට යාමට අවස්ථාව උදාවිය.

ඊයේ රාත්‍රියේම පරීක්ෂණ කටයුතු සඳහා යසේන් ලංකානාත් රැගෙන ආවේ ගල්ගමුව නගරයේ පිහිටි පොලිස් ස්ථානාධිපති නිල නිවසටයි.

පොලිස් ස්ථානාධිපති නිල නිවස අසළ පිහිටි වෛද්‍ය මධ්‍යස්ථානයේ වෛද්‍යවරුන් දරුවා  පරීක්ෂා කළහ.

පසුව යසේන් ලංකානාත් කොළඹට රැගෙන ඒමට පොලිස් නිලධාරීන් ඊයේ රාත්‍රියේම පියවර ගැනිණ.

පසුගිය දින කිහිපයේ දුක් සෝ සුසුම් අදෝනා වාතලයට මුසුවු යසේන්ගේ නිවසින් දැන් ඒ සියල්ල ඉවත්ව ගොසින් ය.

අද පෙරවරුවේ යසේන්ගේ ප්‍රදේශවාසින් කිරි උතුරුවමින් ඔහු යළි පැමිණීම පිළිබඳව සතුට පළ කළහ.

මේ අතර දරුවා සොයාගන්නා තෙක් දින 05 ක් එම ප්‍රදේශයේ රැදී සිටි නිව්ස්ෆස්ට් කණ්ඩායම සිය මෙහෙවර අවසන් කරමින් අද පස්වරුවේ යළිත් කොළඹ, ප්‍රධාන මධ්‍යස්ථානයට පැමිණීම සඳහා ගමන් ආරම්භ කළහ.

• අගරදගුරු හිමිපාණන් සියොන් දේවස්ථානයේ නිරීක්ෂණ චාරිකාවක
• නැගෙනහිර හිටපු ආණ්ඩුකාරවරයා පොලිස් ත්‍රස්ත විමර්ශන කොට්ඨාසයට: පැය 8ක් ප්‍රකාශ සටහන් කර ගනී
• රුසියානු මිසයිල නාශක පද්ධතියක් මිලදී ගැනීම සම්බන්ධයෙන් අමෙරිකාවෙන් ඉන්දියාවට බලපෑම්
• ආසියාවේ බලය යටපත් කිරීමට වෙනත් බලවතුන්ට ඉඩ දිය යුතු නැහැ – ජනපති ආසියානු නායකයින් අමතමින් කියයි
• 75 වන බ්‍රැඩ්බි පළිහ වාර්ෂික රග්බි තරගාවලියේ ජය රාජකීයයන්ට
• රු. කෝටි 2කට අධික හෙරොයින් ඇතුළු මත්ද්‍රව්‍ය තොගයක් සීදුවෙන් හා රද්දොළුගමෙන් හමුවේ
• යතුරු පැදිකරුවෙකුට මරු කැඳවූ ගිනිගත්හේනේ රිය අනතුර
• රතු නිවේදනයට අනුව අප්‍රේල් 21 ප්‍රහාරයට සම්බන්ධ ත්‍රස්තයින් අත්අඩංගුවට ගැනීමට හැකි වූ බව Interpol කියයි
• ඉදිරි සතියේ පාර්ලිමේන්තුවේ අසුන්වල වෙනසක්
• කයිට්ස් දූපතේ සඟවා තිබූ පුපුරණ ද්‍රව්‍ය තොගයක් සොයාගනී