ලංකාව සම්බන්ධයෙන් ප්‍රශ්නයක් ඇතැයි, බ්‍රිතාන්‍ය කියයි

ලංකාව සම්බන්ධයෙන් ප්‍රශ්නයක් ඇතැයි, බ්‍රිතාන්‍ය කියයි

ලංකාව සම්බන්ධයෙන් ප්‍රශ්නයක් ඇතැයි, බ්‍රිතාන්‍ය කියයි

කර්තෘ Sagarika Chathumali

15 Apr, 2014 | 9:30 pm

පොදු රාජ්‍ය මණ්ඩලයේ සභාතිවත්වය දරන ශ්‍රී ලංකාව සම්බන්ධයෙන් තමන්ට සැබෑ ප්‍රශ්න මතු වී ඇතැයි, බ්‍රිතාන්‍යයේ විදෙස් හා පොදු රාජ්‍ය මණ්ඩලිය කාර්යාලයේ අමාත්‍ය හියුගෝ ස්වයර් මහතා පවසයි.

බ්‍රිතාන්‍යයේ කන්සවේටිව් පක්ෂයට අනුබද්ධ වෙබ් අඩවියක පළ වූ ලිපියක ඒ මහතා පෙන්වා දෙන්නේ, ශ්‍රී ලංකාවේ සිවිල් යුද සමයේ සිදුවූ අපරාධ විමර්ශනය කිරීමේදී ඉතා අඩු ප්‍රගතියක් පෙන්වා ඇති බව ය.

21වන සියවස සඳහා පොදුරාජ්‍ය මණ්ඩලයක් යන තේමාව යටතේ පළ වූ ලිපියෙන් ඔහු අවධාරණය කර ඇත්තේ එක්සත් ජාතීන්ගේ මානව හිමිකම් කවුන්සිලය තුළ ජාත්‍යන්තර පරීක්ෂණයක් තහවුරු කිරීම සඳහා අග්‍රාමාත්‍ය ඩේවිඩ් කැමරන් මහතා විසින් දැවැන්ත නායකත්වයක් ලබා දුන් බව ය.

පළමුවරට පොදු රාජ්‍ය මණ්ඩලයේ පොදු ගුණාංග ඇතුළත් ලිපියක් 2012 වර්ෂයේ පොදු රාජ්‍ය මණ්ඩල ප්‍රඥප්තිය ලෙස සම්මත වූ අතර එය ක්‍රියාවට නැංවීම අකාර්යක්ෂම වී ඇති බව ඔහු එම ලිපියේ සඳහන් කර තිබේ.