අධිකරණ නියෝගය නොතකන රජරට සිසුන් අත්අඩංගුවට ගන්නැයි, නියෝග

අධිකරණ නියෝගය නොතකන රජරට සිසුන් අත්අඩංගුවට ගන්නැයි, නියෝග

අධිකරණ නියෝගය නොතකන රජරට සිසුන් අත්අඩංගුවට ගන්නැයි, නියෝග

කර්තෘ Sagarika Chathumali

12 Feb, 2014 | 6:52 pm

රජරට විශ්වවිද්‍යාල සිසුන් අධිකරණ නියෝගය නොතකමින් අනුරාධපුර අධිකරණ බල සීමාවේ කුමන ස්ථානයක හෝ යළි උපවාසය ඇරඹුව හොත් අව ම බලය යොදා එය විසුරුවා හැරීමට අනුරාධපුර මහේස්ත්‍රාත් අධිකරණය අද නියෝග කළේ ය.

ඒ අනුරාධපුර මහේස්ත්‍රාත් හා අතිරේක දිසා විනිසුරු රුවන්දිකා මාරසිංහ මහත්මිය හමුවේ නඩුව කැඳ වූ අවස්ථාවේදී ය.

යළි උපවාසය ඇරඹුව හොත් ඊට සම්බන්ධ සරසවි සිසුන් වහා ම අත්අඩංගුවට ගෙන අධිකරණයට ඉදිරිපත් කරන ලෙස ද මෙහිදී නි‍යෝග කෙරිණ.

රජරට විශ්වවිද්‍යාලයේ සිසුන් 28 දෙනෙකුගේ පන්ති තහනමට විරෝධය පළ කරමින් සිදු කළ උපවාසයට අදාළ පැමිණිල්ල යළි කැඳ වූ අවස්ථාවේදී විනිසුරුවරිය අදාළ නියෝග නිකුත් කළා ය.