රාහුල් අගමැති අපේක්ෂකයා නොවන බව සෝනියා කියයි
රාහුල් අගමැති අපේක්ෂකයා නොවන බව සෝනියා කියයි
කර්තෘ Sagarika Chathumali
ඉදිරි මහා මැතිවරණයේදී කොංග්‍රස් පක්ෂයේ අගමැති අපේක්ෂකයා ලෙස රාහුල් ගාන්ධි නම් නොකිරීමට එම පක්ෂය තීරණය කර තිබේ.
පක්ෂ සභාපතිනිය වන ඔහුගේ මව සෝනියා ගාන්ධි පවසන්නේ මැතිවරණයට පෙර අගමැති ධූරය හිමිවනුයේ කාහට දැයි යන්න ප්‍රකාශයට කිරීම කොංග්‍රස් පක්ෂයේ සම්ප්‍රදාය නොවන බව ය.
කෙසේවෙතත් ඉන්දියාවේ ප්‍රධාන විපක්ෂය වන භාරතීය ජනතා පක්ෂය සිය අගමැති අපෙක්ෂකයා පසුගිය සැප්තැම්බර් මාසයේදී නම් කළේ ය.
ඒ අනුව විපක්ෂයේ අගමැති අපේක්ෂකයා වන්නේ ගුජරාට් ප්‍රාන්ත ප්‍රධාන අමාත්‍ය නරේන්ද්‍ර මෝඩි මහතා ය.
අගමැති අපේක්ෂකයා ලෙස නම් නොකෙරුණ ද ඉදිරි මැතිවරණය මෙහෙයවීමේ වගකීම කොංග්‍රස් පක්ෂය විසින් රාහුල් ගාන්ධිට පවරනු ලැබ තිබේ.
මේ අතර රාහුල් ගාන්ධි පිළිබඳ තීරණය ගැනීමට ඊයේ කොංග්‍රස් පක්ෂ නායකයින් රැස් වූ අවස්ථාවේ සියල්ලන්ගේ ම තීරණය වී ඇත්තේ, ඔහු අගමැති අපේක්ෂකයා කළ යුතු බව ය.
එහෙත් පක්ෂ සභාපතිනිය වන ඔහුගේ මව සෝනියා පමණක් ඊට විරුද්ධ වූ බව ඉන්දීය වාර්තාවන්හි සඳහන් ය.
විචාරකයින් පවසන්නේ ආර්ථික අර්බුදය සහ දූෂණ අක්‍රමිකතා හේතුවෙන් මේ වනවිට ඉන්දියානුවන් තුළ කොංග්‍රස් පක්ෂයේ ජනප්‍රියත්වය පහත වැටී ඇති බව ය.
එම තත්ත්වය තුළ කොංග්‍රස් පක්ෂය සිය ප්‍රධානත ම සම්පතක් ආරක්ෂා කර ගැනීමට මේ පියවර ගෙන ඇතැයි යන්න විචාරක මතය වී තිබේ.
නවතම ජනමත සමීක්ෂණ පෙන්වා දෙන්නේ මේ වන විට භාරතීය ජනතා පක්ෂය ඉදිරි මහා මැතිවරණයේ පෙරමුණේ පසු වන බව ය.
අලුතින් පිහිටුවා ඇති දූෂණ අක්‍රමිකතාවනට එරෙහි ආම් ආද්මී පක්ෂය ද ඉදිරි මහා මැතිවරණයේදී නව තර්ජනයක් බව පැවසෙයි.
- වේලි ඔයට වින කැටෙන වැලි හීරිල්ල
- විශ්‍රාමික නිලධාරීන් යළි දුම්රිය සේවයට බඳවා ගැනීමේ තීරණයක්
- එංගලන්තය පැරදූ ඔස්ට්‍රේලියාව ලෝක කුසලානයේ අවසන් පූර්ව සටනට
- කිලිනොච්චියේ සිදු වූ මාරක අනතුරින් තුවාල ලබා සිටි තවත් හමුදා සෙබළෙකු මරුට
- ඉරාකයේ සහ යේමනයේ IS ත්‍රස්ත නායකයා අත්අඩංගුවට ගැනීමට සෞදිය හා යේමනය සමත් වෙයි
- මරණ දඬුවම ලබා දීමේ නියෝගයට ජනපති අත්සන් කරයි
- ජනමත විචාරණ කතාව අසත්‍යක් – ජනපති
- යුද හමුදාපති සහ රිෂාඩ් බදියුදීන් අද පාර්ලිමේන්තු විශේෂ කාරක සභාව හමුවට
- මහරගම ඇතුළු ප්‍රදේශ කිහිපයකට අද පැය 24ක ජල කප්පාදුවක්
- කලමැටිය ධීවර වරායේ ගින්නක්: බෝට්ටු 20ක් ගිනි ගෙන විනාශ වෙයි
