ප්‍රජාතන්ත්‍රවාදී පක්ෂය අද බලපිටියේ පැවැත්වීමට ගිය ජන හමුවකට පොලීසියෙන් බාධා එල්ල විය.

බලපිටිය බස් නැවතුම්පොළෙහි මෙම ජන හමුව පැවැත්වීමට නියමිතව තිබුණ ද ඒ සඳහා අවසර නොලැබීම හේතුවෙන් බලපිටිය පැරණි පොළ පැවති ස්ථානයේ ජංගම වේදිකාවක රැස්වීම පැවැත්වීමට   ප්‍රජාතන්ත්‍රවාදී පක්ෂය තීරණය කළේ ය.

ප්‍රජාතන්ත්‍රවාදී පක්ෂ නායක සරත් ෆොන්සේකා මහතා පැමිණ සිටි පිරිස ඇමතීම අරඹද්දී පොලිස් නිලධරීහු වේදිකාවට පැමිණියහ.

අප වාර්තාකරු පැවසුවේ ශබ්ද විකාශන යන්ත්‍ර භාවිතා නොකරන ලෙස පොලිස් නිලධාරීන් එහිදී දැනුම් දුන් බව ය.

රැස්වීම අවසන් වීමෙන් පසු ජංගම වේදිකාව රැගත් රථය බලපිටිය ප්‍රදේශයේදී ම රියදුරු සහ වේදිකා ක්‍රියාකරු සමඟ පොලිසිය භාරයට ගෙන තිබේ.

මේ සම්බන්ධයෙන් කළ විමසීමකදී පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා පැවසුවේ බලපත්‍රයක් නොමැතිව ශබ්ද විකාශන යන්ත්‍ර භාවිත කිරීම සම්බන්ධයෙන් ඔවුන් අහුන්ගල්ල පොලීසිය විසින් අත්අඩංගුවට ගනු ලැබූ බව ය.

ජංගම වේදිකාව රැගත් රථය අධිකරණයට ඉදිරිපත් කරන බව ත් , අත්අඩංගුවට ගත් පුද්ගලයින් පිළිබඳව විමර්ශන පවත්වන බව ත් ඔහු සඳහන් කළේ ය.

• ඝාතන කුමන්ත්‍රණයක් සම්බන්ධයෙන් අත්අඩංගුවට ගත් සැකකරු රඳවාගෙන ප්‍රශ්න කෙරේ
• ඉරාන ජනපතිගෙන් ජනපති ගෝඨාභයට සුබ පැතුම්
• රිෂාඩ් බදියුදීන්ගෙන් ජනපතිට ලිපියක්
• විපක්ෂ නායක ධුරය සජිත් ප්‍රේමදාසට
• හිටපු රාජ්‍ය ඇමති රංජන් සා/පෙළ ලියයි
• ජනපතිගෙන් විදෙස් රටවල්වලට විවෘත ඇරයුමක්
• මිරිහාන රැඳවුම් කඳවුරේ මෙහෙයුමකින් උපකරණ රැසක් පොලිස් භාරයට
• විදෙස්ගත වන ශ්‍රමිකයින්ගෙන් අය කරන ගාස්තු පහළට
• අයහපත් කාලගුණයෙන් පීඩාවට පත් පිරිස 29804ක් දක්වා ඉහළට
• ගම්මිරිස් මිල ඉහළට