දිවයින ආසන්න‍යේ පවතින පීඩන අවපාතය අද සවස් වන විට ඊශාන දිග වෙරළට නැගෙනහිර දෙසින් පවතින බව කාලගුණ විද්‍යා දෙපාර්තමේන්තුව පවසයි.

එම දෙපාර්තමේන්තුව පැවසුවේ, එය අද රාත්‍රී කාලයේ දිවයිනේ උතුරු ප්‍රදේශය හරහා ගමන් කරනු ඇති බව ය.

මේ හෙතුවෙන් දිවයිනේ උතුරු කොටසේ හා උතුරු මුහුදු ප්‍රදේශවල මෙන්ම මන්නාරම් බොක්ක ආශ්‍රිතව පැයට කිලෝ මීටර් 100ක පමණ තද සුළං සහ මිලි මීටර් 100 ඉක්ම වු තද වැසි අපේක්ෂා කරයි.

මන්නාරම සිට කන්කසන්තුරය හරහා ත්‍රිකුණාමලය දක්වා වෙරළට ඔබ්බෙන් මුහුදු ප්‍රදේශ ඉතා අනතුරුදායක බව ද කාලගුණ විද්‍යා දෙපාර්තමේන්තුව පවසයි.

එම වෙරළ ආසන්නව මීටර් 3ක පමණ උස් රළ ඇති විය හැකි බැවින් වඩා ත් සැලකිලිමත් වන ලෙස වෙරළ ආශ්‍රිත ජනතාවට දැනුම් දෙයි.

මේ අතර ත්‍රිකුණාමලය, මුලතිව්, කිලිනොච්චිය , යාපනය හා මන්නාරම දිස්ත්‍රික්කවල වෙරළට මීටර් 100ක් සමීපව සිටින පිරිස් මේ වන විට ආරක්ෂිත ස්ථාන වෙත යොමුකර ඇතැයි ආපදා කළමනාකරණ මධ්‍යස්ථානය පවසයි.

එහි සහකාර අධ්‍යක්ෂ ප්‍රදීප් කොඩිප්පිලි මහතා ප්‍රකාශ කළේ, උතුරු මුහුද හා ඒ ආශ්‍රිත ප්‍රදේශවල පවතින අයහපත් කාලගුණ තත්ත්වය පිළිබඳ තව දුරට ත් අවධානයෙන් සිටින බව ය.

අයහපත් කාලගුණය හේතුවෙන් ත්‍රිකුණාමලය, මුලතිව්, කිලිනොච්චිය, යාපනය හා මන්නාරම දිස්ත්‍රික්කවල ජන ජීවිතයට බාධා එල්ල විය.

එම දිස්ත්‍රික්කවල ධීවරයින් මේ හේතුවෙන් අද මුහුදු යාමෙන් වැලකී සිටියේ ය.

• Batticaloa Campus සඳහා මුදල් ලැබුණු අයුරු සෙවීමට මහ බැංකු නිලධාරීන් ආංශික අධීක්ෂණ කමිටුව හමුවට
• හදිසි නීතිය තවත් මසකින් දීර්ඝ කිරීමේ යෝජනාව අනුමැතිය සඳහා අද පාර්ලිමේන්තුවට
• රත්නපුරයේ සිදු වූ රිය අනතුරකින් 19 දෙනෙකුට තුවාල
• ගෙවුණු දවස උණුසුම් කළ පුවත්…
• අප්‍රේල් 21 ප්‍රහාරය: මෘදුකාංග ඉංජිනේරුවරයා තොරතුරු රැසක් හෙළි කරයි
• ජීවිතය පූජා කරන්නත් රටක් තියෙන්න ඕන – ගලගොඩඅත්තේ ඥානසාර හිමි
• නිට්ටඹුව සහ පන්නල සෝදිසි මෙහෙයුම්වලදී 30 දෙනෙකු පොලිස් භාරයට
• අමෙරිකානු ආරක්ෂක ගිවිසුම් ගැන මල්වතු මහ නාහිමි තානාපතිනියගෙන් කරුණු විමසයි
• ගලගොඩඅත්තේ ඥානසාර හිමියන්ට ජනාධිපති සමාව හිමි වෙයි
• ඥානසාර හිමි නිදහස් කිරීමේ ජනපති නියෝගය ලැබුණා – බන්ධනාගාර කොමසාරිස් ජනරාල්