சபரிமலை ஐயப்பன் யாத்திரையை அங்கீகரிக்கப்பட்ட புனித தலயாத்திரையாக பிரகடனப்படுத்த அமைச்சரவை அனுமதி

Colombo (News 1st) இந்தியாவின் கேரள மாநிலத்திலுள்ள சபரிமலை ஐயப்பன் சந்நிதானத்திற்கு வருடாந்தம் இலங்கை பக்தர்களால் மேற்கொள்ளப்படுகின்ற யாத்திரையை இலங்கை அரசால் அங்கீகரிக்கப்பட்ட புனித தலயாத்திரையாக பிரகடனப்படுத்த அமைச்சரவை அனுமதி வழங்கியுள்ளது.

புத்தசாசன, சமய மற்றும் கலாசார விவகாரங்கள் அமைச்சர் சமர்ப்பித்த யோசனைக்கு அமைச்சரவை அங்கீகாரம் அளித்துள்ளது.

ஒவ்வொரு வருடமும் நவம்பர் மாதம் முதலாம் திகதி முதல் அடுத்த வருடம் ஜனவரி மாதம் 31ஆம் திகதி வரையான காலப்பகுதியில் இந்தியாவின் கேரள மாநிலத்திலுள்ள சபரிமலைக்கு இலங்கை பக்தர்கள் புனித தலயாத்திரை மேற்கொள்கின்றனர்.