இலங்கையை சேர்ந்த 18 பேர் தமிழகத்தில் தஞ்சம் 

Colombo (News 1st) இலங்கையை சேர்ந்த 18 பேர் தமிழகத்தில் தஞ்சமடைந்துள்ளனர். மன்னாரை சேர்ந்த 13 பேர் இரண்டு படகுகளில் நேற்று (21) தனுஷ்கோடியை சென்றடைந்ததாக இந்திய ஊடகங்கள் செய்தி வௌியிட்டுள்ளன. மூன்று குடும்பங்களை சேர்ந்தவர்களே தனுஷ்கோடியை சென்றடைந்துள்ளதுடன், இவர்களிடம் Q-பிரிவு பொலிஸார் விசாரணைகளை முன்னெடுத்துள்ளனர். விசாரணைகளின் பின்னர் மண்டபம் கடலோர காவல் நிலையத்திற்கு இவர்கள் அனைவரும் அழைத்துச்செல்லப்பட்டுள்ளனர். இதனிடையே, யாழ்ப்பாணம் - நீர்வேலியை சேர்ந்த மேலும் 5 பேரும் தமிழகத்தை சென்றடைந்துள்ளனர். அதற்கமைய, நேற்று மாத்திரம் 18 இலங்கையர்கள் தமிழகத்தில் தஞ்சமடைந்துள்ளனர். இலங்கையில் ஏற்பட்டுள்ள பொருளாதார நெருக்கடி காரணமாக கடந்த மாதம் 22 ஆம் திகதி தொடக்கம் நேற்று வரை 60 இலங்கையர்கள் தமிழகத்திற்கு சட்டவிரோதமாக படகில் சென்றுள்ளமை குறிப்பிடத்தக்கது.