அஜித் நிவாட் கப்ரால் அமைச்சு, பராளுமன்ற உறுப்பினர் பதவியிலிருந்து இராஜினாமா செய்யவுள்ளாரா?

Colombo (News 1st) நிதி இராஜாங்க அமைச்சர் அஜித் நிவாட் கப்ரால், அமைச்சு பதவி மற்றும் பராளுமன்ற உறுப்பினர் பதவியில் இருந்து இராஜினாமா செய்யவுள்ளாரா? இது தொடர்பாக இன்று (07) பாராளுமன்றம் மற்றும் அமைச்சரவை தீர்மானங்களை அறிவிக்கும் ஊடக சந்திப்பு ஆகியவற்றில் கருத்து தெரிவிக்கப்பட்டது. இன்று காலை பாராளுமன்ற உறுப்பினர்களின் வாய்மொழி வினாக்களுக்கு பதிலளித்தபோது, அஜித் நிவாட் கப்ரால் அமைச்சுப் பதவியிலிருந்து விலகவுள்ளாரா என நளின் பண்டார வினவியுள்ளார். இதனிடையே, இன்று (07) நடைபெற்ற அமைச்சரவை தீர்மானங்களை அறிவிக்கும் ஊடக சந்திப்பில் வினவப்பட்டமைக்கு, அது தொடர்பில் உத்தியோகபூர்வமாக உறுதியாகவில்லை என ரமேஷ் பத்திரன தெரிவித்துள்ளார். இது தொடர்பில் நிதி இராஜாங்க அமைச்சர் அஜித் நிவாட் கப்ராலை தொடர்புகொள்ள நாம் மேற்கொண்ட முயற்சிகள் பயனளிக்கவில்லை.