உள்ளூராட்சி மன்றத் தேர்தல்: நீளமான வாக்குச்சீட்டு மட்டக்களப்பிலும் குறுகிய வாக்குச்சீட்டு பாணந்துறையிலும் பதிவு

நியூஸ்ஃபெஸ்ட் (கொழும்பு)   உள்ளூராட்சி மன்றத் தேர்தலில் மிகவும் நீளமான வாக்குச்சீட்டு மட்டக்களப்பிலும் குறுகிய வாக்குச்சீட்டு பாணந்துறையிலும் பதிவாகியுள்ளது. இதன் பிரகாரம், 33 உறுப்பினர்கள் தெரிவு செய்யப்படவுள்ள மட்டக்களப்பு மாநகர சபைக்கு 11 அரசியல் கட்சிகளும் 5 சுயேட்சைக் குழுக்களும் போட்டியிடுகின்றன. மூதூர் பிரதேச சபைக்காக 14 அரசியல் கட்சிகளும் 2 சுயேட்சைக் குழுக்களும் களமிறங்கியுள்ள நிலையில், மொத்தமாக 21 பேர் தெரிவு செய்யப்படவுள்ளமை குறிப்பிடத்தக்கது. இதேவேளை, பாணந்துறை நகர சபைக்கு 16 பேர் தெரிவு செய்யப்படவுள்ளனர். இதற்காக 5 அரசியல் கட்சிகளும் 3 சுயேட்ச்சைக் குழுக்களும் போட்டியிடுகின்றன.