අක්වාන් සුළිකුණාටුව ඉන්දියාවට යන ලකුණු...

අක්වාන් සුළිකුණාටුව ඉන්දියාවට යන ලකුණු, තවදුරටත් මුහුදු යෑමෙන් වළකින්නැයි ධීවරයින්ට අවවාද...

by Staff writer 19-11-2026 | 9:22 AM

COLOMBO (News 1st) - උතුරු අක්ෂාංශ 10 - 20ත් සහ නැගෙනහිර දේශාංශ 80 - 95ත් අතර මුහුදු ප්‍රදේශවල නැවත දැනුම් දෙනතුරු යාත්‍රා කිරීමෙන් වළකින්නැයි කාලගුණ විද්‍යා දෙපාර්තමේන්තුව ධීවර හා නාවුක ප්‍රජාවට දැනුම් දෙයි.

ඒ , අක්වාන් ප්‍රබල සුළි කුණාටුව හේතුවෙනි.

මෙම සුළි කුණාටුව හෙට (20) ඉන්දියාවේ ආන්ද්‍රා ප්‍රදේශ් වෙරළ තීරයේ නොලෝර් සහ විශාකාපට්නම් අතරින් ගොඩබිමට ඇතුළු වනු ඇතැයි අපේක්ෂා කරයි.

මේ අතර ඌව සහ දකුණු පළාත්වල ස්ථාන කිහිපයක සවස් කාලයේ හෝ රාත්‍රී කාලයේ වැසි හෝ ගිගුරුම් සහිත වැසි ඇති විය හැකි බව කාලගුණ අනාවැකියේ සඳහන්.

දිවයිනේ සෙසු ප්‍රදේශවල  වියළි කාලගුණයක් අපේක්ෂා කරයි.