22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත පාර්ලිමේන්තුවට

COLOMBO(News1st) - ශ්‍රේෂ්ඨාධිකරණ සහ අභියාචනාධිකරණ විනිසුරු විශ්‍රාම වයස දීර්ඝ කිරීමේ යෝජනාව ඇතුළත් 22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත අද (18)පාර්ලිමේන්තුවට ඉදිරිපත් කළේය.

මීට අමතරව සෙසු අධිකරණවල විනිසුරු විශ්‍රාම වයස දීර්ඝ කිරීමේ සංශෝධන ඇතුළත් අධිකරණ සංවිධාන සංශෝධන පනත් කෙටුම්පත ද පාර්ලිමේන්තුවට ඉදිරිපත් කෙරුණි.

ඒ අධිකරණ හා ජාතික ඒකාබද්ධතා අමාත්‍ය නීතිඥ හර්ෂණ නානායක්කාර විසින්.

ව්‍යවස්ථා සංශෝධන අනුව, ශ්‍රේෂ්ඨාධිකරණ සහ අභියාචනාධිකරණ ඇතුළු සියලු අධිකරණ විනිසුරු විශ්‍රාම වයස වසර 2කින් ඉහළ දැමීමට යෝජිතයි.