මහර බන්ධනාගාරයේ ඇති වූ නොසන්සුන්කාරී තත්ත්වය පාලනය කෙරේ. - පොලීසිය

COLOMBO (News 1st)- මහර බන්ධනාගරයේ රැඳවියන් අතර ඇතිවූ නොසන්සුන්තාව මේ වන විට පාලනය කර ඇතැයි, පොලීසිය පවසයි.

පොලිස් මාධ්‍ය ප්‍රකාශක සහකාර පොලිස් අධිකාරී එෆ්. යූ. වුට්ලර් සඳහන් කළේ, ග්‍රාම සේවා වසම් තුනකට පැනවූ පොලිස් ඇඳිරි නීතිය තවදුරටත් ක්‍රියාත්මක බවයි.

ඒ අනුව 246 කැන්දලියද්ද පාර - බටහිර, 246 / සී කැන්දලිය පාර - උතුර සහ 181 / ජී දඹුව යන ග්‍රාම සේවා වසම්වලට, පොලිස් ඇඳිරි නීතිය තවදුරටත් ක්‍රියාත්මක වේ.

මහර බන්ධනාගාරයේ රැඳවියන් අතර ඇති වූ නොසන්සුන්තාවෙන් රැඳවියෙකු මියගොස්, 6 දෙනෙකු තුවාල ලැබූහ.

පොලීසිය සදහන් කළේ, බන්ධනාගාරය අවට ආරක්ෂාව තර කර ඇති බවයි.