හිටපු ආරක්ෂක ලේකම් හේමසිරි ප්‍රනාන්දුට මරණ දඬුවම.

COLOMBO(News1st) - පාස්කු ඉරුදින ත්‍රස්ත ප්‍රහාරය සම්බන්ධව රාජකාරී වගකීම පැහැර හැරීමෙන් මරණ සිදුවීමට ආධාර අනුබල දීමේ චෝදනාවලට වරදකරු බවට පත් කළ හිටපු ආරක්ෂක ලේකම් හේමසිරි ප්‍රනාන්දුට, කොළඹ ත්‍රිපුද්ගල මහාධිකරණය මරණ දඬුවම නියම කළේය.

නඩුව විභාගයට ගැනුණේ,  ප්‍රියන්ත ලියනගේ, විරාජ් වීරසූරිය සහ තිලකරත්න බණ්ඩාර යන විශේෂ ත්‍රිපුද්ගල මහාධිකරණ විනිසුරුවරුන් හමුවේයී.

සභාපති විනිසුරු ප්‍රියන්ත ලියනගේ සහ තිලකරත්න බණ්ඩාර යන විනිසුරුවරුන් එහිදී හේමසිරි ප්‍රනාන්දු වරදකරු බවට තීන්දු කළ අතර, විරාජ් වීරසූරිය විනිසුරුවරයාගේ තීන්දුව වූයේ, අදාළ චෝදනා සාධාරණ සැකයෙන් ඔබ්බට ඔප්පු කිරීමට අසමත්ව ඇති බවයි.

විනිසුරුවරුන්ගේ බහුතර තීන්දුව අනුව චෝදනා 855කින් 854කට හිටපු ආරක්ෂක ලේකම්වරයා වරදකරු බවට තීන්දු කළේය.