සලේ බරපතල රෝගී තත්ත්වයකින් පෙලෙන බවට සාධාරණ කරුණු ඉදිරිපත්වී නෑ.. - සොලිසිටර් ජනරාල් දිලීප පීරිස්

COLOMBO (News 1st) - පාස්කු ඉරිදා ත්‍රස්ත ප්‍රහාරයට සැකපිට රදවා සිටින විශ්‍රාමික මේජර් ජෙනරල් සුරේෂ් සලේ විශේෂඥ වෛද්‍ය මණ්ඩලයක් වෙත ඉදිරිපත් කර වාර්තාවක් කැඳවීමට පියවර ගන්නැයි සෞඛ්‍ය සේවා අධ්‍යක්ෂ ජෙනරාල්වරයාට නියෝග කරන ලෙස නීතිපතිවරයා කළ ඉල්ලීම පිළිබද නියෝගය ජුනි 10 වැනිදා ප්‍රකාශයට පත්කරන බව කොටුව මහේස්ත්‍රාත් අධිකරණය අද ප්‍රකාශ කළේ ය.

ත්‍රස්තවාදය වැළැක්වීමේ පනත යටතේ අපරාධ පරීක්ෂණ දෙපාර්තමේන්තුවේ රඳවා සිටින, සුරේෂ් සලේ වෙනුවෙන් ඔහුගේ නීතීඥවරුන් ඉදිරිපත් කළ මෝසම අදකොළඹ කොටුව මහේස්ත්‍රාත් පසන් අමරසේන හමුවේ සලකා බැලිණ.

නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල් දිලීප පීරිස්  කියා සිටියේ, සැකකාර හිටපු ජාතික බුද්ධි ප්‍රධානී විශ්‍රාමික මේජර් ජෙනරල් සුරේෂ් සලේ බරපතල රෝගී තත්ත්වයකින් පෙලෙන බවට සාධාරණ කරුණු ඉදිරිපත්වී නොමැති බවයි.