ඉරානය සමග සාකච්ඡා අසාර්ථක වුවහොත්, එරටට එරෙහි ප්‍රහාර තවදුරටත් දැඩි කරනවා -ධවල මන්දිර මාධ්‍ය ලේකම්වරිය

COLOMBO(News1st) - ඉරානය සමඟ පවත්වන සාකච්ඡා අසාර්ථක වුවහොත්, එම රටට එරෙහි ප්‍රහාර තවදුරටත් දැඩි කරන බව ධවල මන්දිර මාධ්‍ය ලේකම් කැරොලයින් ලෙවිට් මහත්මිය පවසයි.

ඩොනල්ඩ් ට්‍රම්ප් ජනාධිපතිවරයාගේ අපේක්ෂාව සාමය උදා කිරීම බවත්, තවදුරටත් සිදුවන ජීවිත හානි හා විනාශයන් ඔහු අනුමත නොකරන බවත් ඇය සඳහන් කළාය. 

කෙසේ වෙතත්, ඉරානය මේ වන විට හමුදාමය වශයෙන් පරාජයට පත්ව ඇති බවත්, පවතින යථාර්ථය පිළිගැනීමට ඉරානය අපොහොසත් වුවහොත් පෙර නොවූ විරූ ආකාරයේ ප්‍රහාරයකට මුහුණ දීමට සිදුවන බව ජනාධිපති ට්‍රම්ප් සහතික කර ඇති බවත් ධවල මන්දිර මාධ්‍ය ලේකම්වරිය වැඩිදුරටත් පවසා සිටියාය.