ශ්‍රේෂ්ඨාධිකරණ තීන්දුව අභියෝගයට ලක් කරමින් අමෙරිකානු ජනපතිගෙන් සියලු රටවල් වෙත 10% ක නව තීරු බද්දක්. - විදෙස් මාධ්‍ය

COLOMBO(News1st) - අම‍ෙරිකානු ජනාධිපති ඩොනල්ඩ් ට්‍රම්ප් පැනවූ ආනයනික තීරු බදු එරට ශ්‍රේෂ්ඨාධිකරණය විසින් අවලංගු කිරීමත් සමග අමෙරිකානු ආර්ථික ක්ෂේත්‍රයේ දැඩි අවිනිශ්චිතතාවයක් මතුව තිබෙන බව විදෙස් මාධ්‍ය වාර්තා කරයි.

විදෙස් වාර්තා සඳහන් කළේ, පෙර පැවති තීරු බදු මත, උද්ධමනය පාලනය කිරීම සඳහා පොලී අනුපාත අඩු කිරීමට එරට ෆෙඩරල් බැංකුව සූදානමින් සිටි බවයි.

ශ්‍රේෂ්ඨාධිකරණ තීන්දුව හේතුවෙන්, ෆෙඩරල් බැංකුවේ ඉදිරි සැලසුම් වෙනස් කිරීමට සිදුව ඇති බව සඳහන්.

ශ්‍රේෂ්ඨාධිකරණ තීන්දුවට වහාම ප්‍රතිචාර දක්වමින් ජනාධිපති ඩොනල්ඩ් ට්‍රම්ප් සියලුම රටවල ආනයන සඳහා 10% ක නව අතිරේක බද්දක් පැනවීමට පියවර ගෙන ඇති බව විදෙස් වාර්තා පෙන්වා දෙනු ලැබීය.

මෙම නීතිමය සහ දේශපාලනික ගැටුම් හේතුවෙන් ඉදිරි මාසවලදී පොලී අනුපාත අඩු කිරීම පිළිබඳව තීරණය කිරීමේදී මහ බැංකුව දැඩි අභියෝගයකට මුහුණ දී සිටින බවත් එම වාර්තාවල සඳහන්.