වසර 40කට පසු ලෙබනනය සහ ඊශ්‍රායලය සාකච්ඡාවක

වසර 40කට පසු ලෙබනනය සහ ඊශ්‍රායලය සාකච්ඡා මේසයක ඉඳගනී - විදෙස් මාධ්‍ය

by Staff writer 04-12-2025 | 9:25 AM

COLOMBO (News 1st) - ලෙබනනය සහ ඊශ්‍රායලය අතර වසර 40කට පසු සෘජු සාකච්ඡාවක් පවත්වා තිබේ.

ලෙබනන් අග්‍රාමාත්‍ය නවාෆ් සලාම්, ඊශ්‍රායල සිවිල් නියෝජිතයින් සහ ලෙබනනය සඳහා ඇමරිකානු විශේෂ නියෝජිත මෝගන් ඔර්ටගස් ඊට සහභාගී වූ බව විදෙස් මාධ්‍ය වාර්තා කළේ ය.

දෙරට අතර පළුදු වීම් නැවැත්වීම, ලෙබනන් ප්‍රාණ ඇපකරුවන් නිදහස් කර ගැනීම සහ සිය භූමිය ඊශ්‍රායලයෙන් නිදහස් කර ගැනීම එම සාකච්ඡාවල අරමුණ බව ලෙබනන් අග්‍රාමාත්‍යවරයා පවසා තිබේ.

කෙසේ නමුත් ඔහු අවධාරණය කර තිබුණේ මෙය සාම සාකච්ඡාවක් නොවන බවය.

දෙරට අතර ගැටුම් ආරම්භ වුණේ 1948දී පමණ වන අතර ඊශ්‍රායලය 1970 දශකයේදී ලෙබනනය ආක්‍රමණය කර ප්‍රහාර දියත් කිරීමත් සමග එය උග්‍ර වුණි.

1980 කාලයේදී හිස්බුල්ලා සංවිධානය ද ඒ සඳහා එක්වුණි.

ඉන් අනතුරු ඊශ්‍රායලය සහ හිස්බුල්ලා සංවිධානය අතර මතභේදාත්මක තත්වය අඛණ්ඩව පැවති බව සඳහන් වේ.