දිට්වා බලපෑමෙන් මියගිය පුද්ගලයින් සංඛ්‍යාව 159ක් දක්වා ඉහළට..

COLOMBO (News 1st) - අයහපත් කාලගුණයෙන් මියගිය පුද්ගලයින් සංඛ්‍යාව 159ක් දක්වා ඉහළ ගොස් තිබේ.

අතුරුදන් වූ පුද්ගලයින් සංඛ්‍යාව 203ක්.

පවුල් දෙලක්ෂ තිස් හතර දහස් පන්සිය තුනක සාමාජිකයින් අටලක්ෂ 33985කු පීඩාවට පත්ව ඇති බව ආපදා කළමණාකරණ මධ්‍යස්ථානය නිකුත් කළ නිවේදනයක සඳහන් වේ.

පවුල් 34198 කට අයත් සාමාජිකයින් එක් ලක්ෂ 22822කු ආරක්ෂිත ස්ථාන 919 ක රඳවා ඇති බව එම මධ්‍යස්ථානය ප්‍රකාශ කළේ ය.

අයහපත් කාලගුණයෙන් වැඩිම බලපෑම එල්ල වී ඇත්තේ මහනුවර දිස්ත්‍රික්කයටය.

එම දිස්ත්‍රික්කයේ පුද්ගලයින් 52 කු මියගොස් අතුරුදන්ව ඇති පුද්ගලයින් සංඛ්‍යාව 105 ක්.

බදුල්ල දිස්ත්‍රික්කයේ පුද්ගලයින් 52 කු මියගොස් 42 දෙනෙකු අතුරුදන්ව තිබේ.

විපතට පත්වූවන් මුදා ගැනීම සඳහා අඛණ්ඩ මෙහෙයුම් ක්‍රියාත්මක වේ.

ඒ ත්‍රිවිධ හමුදාවේ පොලිසියේ හා ආපදා කළමණකාරණ අංශවල මැදිහත් වීමෙනි.