කටුනායක ගුවන්තොටුපළ ප්‍රවේශ මාර්ග කිහිපයකට ගංවතුරින් බලපෑම්..

COLOMBO (News 1st) - පවතින ආපදා තත්ත්වය හේතුවෙන් කටුනායක ජාත්‍යන්තර ගුවන්තොටුපළ ප්‍රවේශ මාර්ග කිහිපයකට ගං වතුර හේතුවෙන් බලපෑම් එල්ල වී තිබේ.

ගුවන් මගීන්ට කොළඹ - කටුනායක අධිවේගී මාර්ගය තවදුරටත් භාවිතා කරන ලෙස ගුවන්තොටුපළ සහ ගුවන් සේවා සමාගම නිවේදනයක් නිකුත් කරමින් පැවසුවේ ය.

ඊට අමතරව එම කාලය තුළ ගුවන්තොටුපළ පරිශ්‍රය තුළ තදබදය අවම කරගැනීම සඳහා, අමුත්තන් පර්යන්තයට ගෙන නොඑන ලෙස ගුවන් තොටුපල සහ ගුවන් සේවා සමාගම මගීන්ගෙන් ඉල්ලා සිටී.

අභියෝගාත්මක තත්ත්වයන් මධ්‍යයේ වුවද ගුවන්තොටුපළ මෙහෙයුම් කටයුතු අඛණ්ඩව පවත්වාගෙන යාමට කටයුතු කරන බවද එම සමාගම පවසන ලදි.