කඳානේදී ලොරියක් සොරකම් කර පළා යමින් සිටි සැකකරුවෙක් අතින් සිදු වූ අනතුරු දෙකකින් පුද්ගලයෙක් මිය යයි..

COLOMBO (News 1st) - කඳානේදී ලොරි රථයක් සොරකම් කර පළා යමින් සිටි සැකකරුවෙකු අතින් සිදුවූ රිය අනතුරු දෙකකින් පුද්ගලයෙකු මියගොස්, තවත් සිව්දෙනෙකු තුවාල ලබා තිබේ.

සැකකරු ව්‍යාපාරිකයෙකුගේ නිවසේ නතර කර තිබූ ලොරියක් සොරකම් කර පළායමින් සිටියදී එහි හිමිකරු සහ සේවකයින් ඔහු ලුහුබැඳ ගොස් ඇති බව පොලීසිය සදහන් කළේ ය.

සැකකරු නොනවත්වා ලොරි රථය ධාවනය කිරීමේදී යතුරු පැදි දෙකක් අනතුරට ලක් කර තිබේ.

අනතුරින් මියගොස් ඇත්තේ, 43 හැවිරිදි ගම්පහ පදිංචිකරුවෙකි.

අත්අඩංගුවට ගත් සැකකරු, පොලිස් ආරක්ෂාව යටතේ රාගම ශික්ෂණ රෝහලේ ප්‍රතිකාර ලබයි.