ඖෂධ වර්ග 500කට උපරිම සිල්ලර මිල ක්‍රියාත්මක වන්නේදැයි සොයා දිවයින පුරා විමර්ශන..

COLOMBO (News 1st) - උපරිම සිල්ලර මිල නියම කළ ඖෂධ වර්ග එම මිලට අලෙවි කරන්නේදැයි දීප ව්‍යාප්තව විමර්ශන ආරම්භ කරන බව ජාතික ඖෂධ නියාමන අධිකාරිය පවසයි.

එහි සභාපති විශේෂඥ වෛද්‍ය ආනන්ද විජේවික්‍රම මහතා පැවසුවේ මේ වනවිට 500 කට ආසන්න ඖෂධ සංඛ්‍යාවක උපරිම සිල්ලර මිල නියම කර ඇති බවය.

ඊට අදාළ මිළ සූත්‍රය පසුගියදා පාර්ලිමේන්තුවේදී සම්මත වුණි.

නව මිල සූත්‍රය අනුව මිල නියම කිරීමෙන් ඇතැම් ඖෂධ වර්ගවල මිල ගණන් විශාල ලෙස මිල අඩු වුණි.

එම වාසිය ජනතාවට ලැබෙනවාද යන්න පිළිබඳ එම විමර්ශනවලදී සොයා බලනු ඇත.

නියමිත උපරිම මිල ඉක්මාව ඖෂධ අලෙවි කරන ඖෂධ හල් වලට එරෙහිව පියවර ගන්නා බවද සභාපතිවරයා පවසන ලදි.