ප්‍රදේශ රැසකට ප්‍රභල අකුණු පිළිබඳ අනතුරු ඇඟවීම්!

COLOMBO(News1st) - වයඹ , ඌව , මධ්‍යම සහ සබරගමුව පළාත්වලට අද(08) රාත්‍රියේ ගිඟුරුම් සහිත වැසි සමඟ ප්‍රභල අකුණු ඇති විය හැකි බව කාලගුණ විද්‍යා දෙපාර්තමේන්තුව පවසයි.

ප්‍රභල අකුණු පිළිබද අවාවාදාත්මක නිවේදනයක් නිකුත් කරමින් එම දෙපාර්තමේන්තුව සඳහන් කළේ, අනුරාධපුර, මන්නාරම , අම්පාර සහ හම්බන්තොට දිස්ත්‍රික් වලත් ඟිගුරුම් සහිත වැසි සමඟ ප්‍රභල අකුණු ඇති විය හැකි බවයි.

ගිගුරුම් සහිත වැසි සමඟ තද සුළං ද ඇති විය හැකි වන අතර තද සුළං සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවට දැනුම් දෙයි.