හිටපු අමාත්‍ය රාජිත සේනාරත්න රක්ෂිත බන්ධනාගාරගත කිරීමට අධිකරණයෙන් නියෝග

COLOMBO (News 1st) - හිටපු අමාත්‍ය රාජිත සේනාරත්න මහතා, රක්ෂිත බන්ධනාගාර ගත කිරීමට කොළඹ මහාධිකරණය නියෝග කළේ ය.

ඒ, අල්ලස් හෝ දූෂණ චෝදනා විමර්ශන කොමිෂන් සභාව පවරා ඇති නඩුවක්, අද(29) කැඳවූ අවස්ථාවේදීයී.

අදාළ අවස්ථාවේ අධිකරණයයේ අවධානයට ලක්වූයේ රාජිත සේනාරත්න මහතාට මේ වන විට කොළඹ  මහේස්ත්‍රාත් අධිකරණයේ වරෙන්තුවක් නිකුත් කර ඇති බවයි.

අදාළ කරුණු සැළකිල්ලට ගත් මහාධිකරණය, තම අධිකරණය හමුවේ ඇති නඩුවට ඉදිරි දිනයක් නියම කළේ ය.

මහාධිකරණය නියෝග කළේ, රාජිත සේනාරත්න මහතා, බන්ධනාගාර නිලධාරීන් භාරයට ගෙන කොළඹ මහේස්ත්‍රාත් අධිකරණය හමුවට ඉදිරිපත් කරන ලෙසයි.