ශ්‍රී ලංකා සහ සිම්බාබ්වේ කණ්ඩායම් අතර එක්දින ක්‍රිකට් තරගාවලියේ පළමු තරගය අද

COLOMBO (News 1st) - ශ්‍රී ලංකා සහ සිම්බාබ්වේ කණ්ඩායම් අතර එක්දින ක්‍රිකට් තරගාවලියේ පළමු තරගය අද(29) පැවැත්වේ.

තරග දෙකකින් සමන්විත තරගාවලිය පැවැත්වෙන්නේ, හරාරේහීදී.

චරිත් අසලංක ශ්‍රී ලංකා කණ්ඩායමට නායකත්වය ලබා දෙන අතර සිම්බාබ්වේ කණ්ඩායම මෙහෙයවන්නේ ක්‍රෙයිග් අර්වින්.

වසර තුන හමාරක තරග තහනමකින් පසු සිම්බාබ්වේ ක්‍රීඩක බ්‍රෙන්ඩන් ටේලර් නැවත එක් දින තරගයක් ක්‍රීඩා කරන පළමු අවස්ථාව මෙයයි.

නවක ක්‍රීඩක පවන් රත්නායකද ශ්‍රී ලංකා සංචිතයට ඇතුලත් වී තිබේ.

බංග්ලාදේශ කන්ඩායමට එරෙහි එක් දින තරගාවලියට ඇතුළත් නොවූ නුවනිඳු ප්‍රනාන්දු සහ දුෂ්මන්ත චමීරද ශ්‍රී ලංකා සංචිතයට කැඳවා තිබේ.

මේ දක්වා ශ්‍රී ලංකාව සහ සිම්බාබ්වේ අතර එක් දින තරග 64ක් ක්‍රීඩා කර ඇති අතර ඉන් 49ක් ජයගෙන ඇත්තේ ශ්‍රී ලංකාවයි.

අනෙක් තරග 12 සිම්බාබ්වේ කණ්ඩායම ජය ගෙන තිබේ.

අද තරගය මෙරට වේලාවෙන් පස්වරු 1 ට ආරම්භ වීමට නියමිතයි.