සීදූව ප්‍රදේශයේදී තියුණු ආයුධ වලින් පහරදී පුද්ගලයෙකු ඝාතනය කෙරේ.

COLOMBO (News 1st) - සීදූව ඊරියගහළිඳ පාර ප්‍රදේශයේදී තියුණු ආයුධ වලින් පහරදී පුද්ගලයෙකු ඝාතනය කර තිබේ.

පොලීසිය සදහන් කළේ, ඊයේ(12) රාත්‍රියේ පිරිසක් තියුණු ආයුධ වලින් පහරදීමෙන් බරපතල තුවාල ලැබූ පුද්ගලයා මීගමුව රෝහලට ඇතුළත් කිරීමෙන් පසු මියගොස් ඇති බවයි.

මියගොස් ඇත්තේ, සීදූවේම පදිංචි 40 හැවිරිදි පුද්ගලයෙකි.

ඝාතනයට හේතුව මෙතෙක් අනාවරණය වී නොමැති අතර පලාගිය සැකකරුවන් අත්අඩංගුවට ගැනීමට පොලිස් පරික්ෂණ ක්‍රියාත්මකයි.