සියලු කැණීම් බලපත්‍ර Online ලබා ගැනීමට අවස්ථාව - භූ විද්‍යා සමීක්ෂණ හා පතල් කාර්යංශය

COLOMBO (News 1st) -  

සියලු කැණීම් බලපත්‍ර ඔන්ලයින් ඔස්සේ ලබාදීමට කටයුතු කරන බව, භූ විද්‍යා සමීක්ෂණ හා පතල් කාර්යංශය පවසයි.

එහි සභාපති එස්. එන්. ජයසිංහ මහතා සඳහන් කළේ, නීතිවිරෝධීව කැණීම් සිදුකරන ස්ථාන හඳුනා ගැනීම, එහි අරමුණ බවයි.

ඉදිරියේදී සියලු කැණීම් බලපත්‍ර Online ඔස්සේ පමණක් ලබාගත යුතු බව, සභාපතිවරයා ප්‍රකාශ කළේ ය.

එහිදී කැණීම් සිදුකරන සියලු ස්ථාන සිතියම්ගත කරමින් දත්ත පද්ධතියක් සකස් කිරීමට නියමිතව තිබේ.

ඒ හරහා ඕනෑම ස්ථානයක සිදුකරන කැණීමක්, බලපත්‍ර සහිතව සිදුකරන්නේ ද යන්න සම්බන්ධයෙන් ඕනෑම වේලාවක දැනගැනීමේ අවස්ථාව පවතින බව, සභාපතිවරයා සඳහන් කළේ ය.