ආරක්ෂක අමාත්‍යාංශයේ වැය ශීර්ෂය වැඩි ඡන්දයෙන් සම්මතයි..

COLOMBO ( News 1 st ) - ආරක්ෂක අමාත්‍යාංශය, මහජන ආරක්ෂක අමාත්‍යාංශය සහ තාක්ෂණ අමාත්‍යාංශවලට අයත් වැය ශීර්ෂ සංශෝධන සහිතව සම්මත විය. 

ආරක්ෂක අමාත්‍යාංශයේ වැය ශිර්ෂයට අදාළව විපක්ෂය ඡන්දය විමසීමක් ඉල්ලා සිටි අතර, ඒ අනුව පැවති ඡන්ද විමසීමෙන් ඊට පක්ෂව ඡන්ද 91 ක් ද  විපක්ෂව ඡන්ද 10 ක් ද හිමි වී තිබේ.

විපක්ෂව ඡන්දය ලබා දුන්නේ දෙමළ ජාතික සන්ධානය සහ දෙමළ ජනතා පෙරමුණේ මන්ත්‍රීවරුන් පමණි.

අනෙකුත් මන්ත්‍රීවරුන් ඡන්දය විමසන අවස්ථාවේදී සභාවේ රැඳි නොසිටියේය.