මධ්‍යම අධිවේගී මාර්ගයේ මීරිගම – කුරුණෑගල කොටස ජනතා අයිතියට..

COLOMBO (NEWS1ST) : ඇතුගල්පුර පිවිසුම, මධ්‍යම අධිවේගී මාර්ගයේ දෙවැනි අදියර මීට සුළු මොහොතකට පෙර විවෘත කෙරිණි.

ඒ, ජනාධිපති ගෝඨාභය රාජපක්ෂ හා අග්‍රාමාත්‍ය මහින්ද රාජපක්ෂ යන මහත්වරුන්ගේ ප්‍රධානත්වයෙනි. මීරිගම සිට කුරුණෑගල දක්වා ඉදිකර ඇති මධ්‍යම අධිවේගී මාර්ගයේ දෙවන අදියරේ දුර කිලෝමීටර් 40.91 කි. පාරිසරික සහ සමාජීය බලපෑම් අවම වන පරිදි මාර්ගය ඉදිකර ඇත්තේ නාගරික ප්‍රදේශ මග හරිමින් ය. මීරිගම, නාකලගමුව, දම්බොක්ක , කුරුණෑගල සහ යග්ගපිටිය යන ස්ථානයන් හි මුදල් ගෙවීමේ කවුළු සහිතව අන්තර්හුවමාරු මධ්‍යස්ථාන 5 ක් එහි ඉදිකර තිබේ.