මෞත්‍ර ලිංගික ශල්‍ය වෛද්‍ය සහ වකුගඩු රෝග විද්‍යායතන ගොඩනැගිල්ල අගමැතිගේ ප්‍රධානත්වයෙන් විවෘත කෙරේ

COLOMBO (News 1st) - ජාතික රෝහල් පරිශ්‍රයේ ඉදි කර ඇති මෞත්‍ර ලිංගික ශල්‍ය වෛද්‍ය සහ වකුගඩු රෝග විද්‍යායතන ගොඩනැගිල්ල අග්‍රමාත්‍ය මහින්ද රාජපක්ෂ මහතාගේ ප්‍රධානත්වයෙන් අද(29) විවෘත කෙරිණි.

නිදහස් සෞඛ්‍ය සේවයේ ප්‍රතිලාභ සමස්ත ජනතාවට සමීප කිරීමේ අරමුණ ඇතිව පෞද්ගලික සමාගමක ධන පරිත්‍යාගයෙන් මෙම ගොඩනැගිල්ල ඉදි කර තිබේ. දැඩි සත්කාර ඒකක ඇඳන් 13 කින් සමන්විත මෙම විද්‍යායතනයේ ඉදිකිරීම සඳහා වැය කළ මුදල රුපියල් මිලියන 300කට ආසන්නයි. විද්‍යායතනය විවෘත කළ අග්‍රමාත්‍යවරයා එහි නිරීක්ෂණ චාරිකාවකට ද එක්විය.