ගෙවුණු දිනයේ කොරෝනා ආසාදිතයින් වර්තා වූ ප්‍රදේශ මෙන්න...

COLOMBO (News 1st) : ගෙවුණු දිනයේ වැඩිම කොරෝනා ආසාදිතයින් සංඛ්‍යාව (70) කොළඹ දිස්ත්‍රික්කයෙන් වාර්තා වී ඇතැයි, කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

එම මධ්‍යස්ථානය පැවසුවේ, ඊයේ (01) වාර්තා වූ සමස්ත ආසාදිතයින් 211 දෙනා අතරින් පුද්ගලයින් 14 දෙනෙකු විදෙස්ගතව සිට මෙරටට පැමිණි දේශීය පූද්ගලයින් බවයි. ඉතිරි පුද්ගලයින් 197 දෙනා දේශීයව හඳුනාගත් ආසාදිතයින් ය. ඒ අතරින් ගම්පහ සහ යාපනය දිස්ත්‍රික්කවලින් පිළිවෙළින් ආසාදිතයින් 25ක් සහ 23ක් ලෙස වාර්තා වී ඇත. අනෙක් ආසාදිතයින් පිරිස වාර්තා වී ඇත්තේ, සෙසු දිස්ත්‍රික්කවලිනි. මේ දක්වා මෙරටින් වාර්තා වී ඇති සමස්ත ආසාදිතයින් සංඛ්‍යාව 92917 ක් වන අතර ඒ අතරින් පුද්ගලයින් 89407 දෙනෙකු පූර්ණ සුවය ලබා රෝහල්වලින් පිටත්ව ගොස් ඇත. තවදුරටත් රෝහල්ගතව ප්‍රතිකාර ලබන්නේ, ආසාදිතයින් 2939  දෙනකු පමණි. කොරෝනා මරණ 3 ක් වාර්තා වීමත් සමග සමස්ත කොරෝනා මරණ සංඛ්‍යාව ද 571 ක් දක්වා ඉහළ ගියේ ය. කටුගස්තොට, ඇහැලියගොඩ සහ පානදුර ප්‍රදේශවලින් මරණ වාර්තා වී ඇති අතර මිය ගිය සිව් දෙනාම වයස අවුරුදු 80 ඉක්මවූවන් ය. ත්‍රිවිද හමුදාව විසින් පාලනය කරනු ලබන නිරෝධායන මධ්‍යස්ථාන 99 ක් තුළ පුද්ගලයින් 9,011 දෙනෙකු නිරෝධායනය වෙමින් සිටින අතර ඊයේ දිනය තුළ සිදු කර ඇති PCR පරීක්ෂණ සංඛ්‍යාව 8, 848 කි. මෙරට කොවිඩ් එන්නත්කරණ වැඩසටහන යටතේ ඊයේ පුද්ගලයින් 9752 දෛනකුට පළමු එන්නත් මාත්‍රාව ලබා දී ඇති අතර මේ වනවිට පළමු එන්නත් මාත්‍රාව ලබා දි ඇති පුද්ගලයින් සංඛ්‍යාව 91,3219 කි.