කොරෝනා රෝගීන්ට ප්‍රතිකාර කරන්න ජපානයෙන් ඖෂධ පරිත්‍යාගයක්

COLOMBO (News 1st): කොරෝනා රෝගීන්ට ප්‍රතිකාර කිරිම සඳහා 'ඇවිගන්' නැමැති ඖෂධයේ පෙති 5000ක් ජපානයෙන් මෙරටට පරිත්‍යාග කර තිබේ.

රාජ්‍ය ඖෂධ සංස්ථාවේ සභාපති වි‍ශේෂඥ වෛද්‍ය ප්‍රසන්න ගුණසේන මහතා සඳහන් කළේ , එම ඖෂධ තොගය ලබන අඟහරුවාදා මෙරටට ලැබීමට නියමිත බවය. මේ අතර රෝගීන්ට අවශ්‍ය ඖෂධ, මධ්‍යම තැපැල් හුවමාරුව හරහා බෙදා හැරීමේ වැඩපිළිවෙළ ද අද ආරම්භ විය. මෙරට සෞඛ්‍ය කාර්ය මණ්ඩලවල ආරක්ෂාව සඳහා උපකරණ තොගයක් චීනය විසින් මෙරටට ලබා දී තිබේ. වි‍ශේෂඥ වෛද්‍ය ප්‍රසන්න ගුණසේන මහතා ප්‍රකාශ කළේ, අදාළ උපකරණ බෙදාදීම කඩිනමින් ආරම්භ කරන බවන.