පෞද්ගලික බස් රථයක් ගොඩපොළදී ගිනි ගත් අයුරු...

COLOMBO (News 1st) - නුවර සිට ගම්පොළ දක්වා ධාවනය වූ පෞද්ගලික බස් රථයක් අද පස්වරුවේ ගොඩපොළ ප්‍රදේශයේදී ගිනි ගෙන තිබේ. බස් රථයේ රියැදුරු සහ සහයක පවසන්නේ, මෙම ගින්න කාර්මික දෝෂයක් නිසා සිදු වූ බව ය. බස් රථයට මගීන් නංවා ගන්නා අවස්ථාවේදී මෙම ගින්න හටගෙන ඇති අතර මගීන් ඒ අවස්ථාවේම බසයෙන් බැස තිබෙන අතර කිසිවෙකුටත් ගින්නෙන් හානියක් සිදුව නොමැත. ගින්නෙන් බස් රථයට දැඩි ලෙස හානි සිදුව තිබේ. අප වාර්තාකරු පැවසුවේ, මේ පිළිබඳව වැඩිදුර පරීක්ෂණ පේරාදෙණිය පොලීසිය විසින් සිදු කරන බව ය.