පාර්ලිමේන්තුවට ඉදිරිපත් කිරීමට නියමිතව තිබූ යෝජනාව එ.ජා.ප.ය ඉල්ලා අස් කර ගනී

COLOMBO (News 1st) - එක්සත් ජනතා නිදහස් සන්ධාන මන්ත්‍රීවරුන් නොමැතිව අදත් පාර්ලිමේන්තුව පැවත්වේ. පාර්ලිමේන්තුව අද 10.30ට රැස් වුණේ කථානායක කරු ජයසූරිය මහතාගේ ප්‍රධානත්වයෙනි. පාර්ලිමේන්තුව තුළ විශ්වාසභංග යෝජනාවක් සම්මත වීම තුළ අගමැතිවරයා හා අමාත්‍ය මණ්ඩලය විසිරී ඇති බැවින් ආණ්ඩුක්‍රම ව්‍යවස්ථාවේ 48(2) වගන්තිය ප්‍රකාරව ඉදිරි පියවර ගන්නා ලෙස ජනාධිපතිවරයාගෙන් ඉල්ලා සිටීමේ යෝජනාවක් එක්සත් ජාතික පක්ෂය අද පාර්ලිමේන්තුවට ඉදිරිපත් කිරීමට නියමිතව තිබිණි. කෙසේ වෙතත් එම යෝජනාව ඉල්ලා අස් කර ගැනීමට එක්සත් ජාතික පක්ෂය කටයුතු කළේ ය.