අරණායක අසුපිනි ඇල්ලෙන් වැටීමෙන් තරුණයෙකු අතුරුදන්

COLOMBO (News 1st) - කෑගල්ල, අරණායක අසුපිනි ඇල්ලෙන් වැටීමෙන් තරුණයෙකු අතුරුදන්ව තිබේ. පොලීසිය සඳහන් කළේ, අද පෙරවරුවේ කණ්ඩායමක් සමග ඔහු අසුපිනිඇල්ල නැරඹීමට ගොස් ඇති බව ය. අද පස්වරුවේ අදාළ තරුණයා ඇල්ලේ ඉහළ සිට ලිස්සා වැටී ඇති බව පොලීසිය සඳහන් කළේ ය. අතුරුදන්ව ඇත්තේ අරණායක පදිංචි තරුණයෙකි. ඔහු සෙවීම සඳහා මේ වන විට පොලිස් කණ්ඩායමක් සහ ප්‍රදේශවාසීන් එක්ව මෙහෙයුමක් ක්‍රියාත්මක කර තිබේ.